މިހާރު ކުރިއަށްދާ ކޮންކްރިޓް މަސައްކަތްތައް ހުއްޓާލާފައި ނިޒާމީ މަސައްކަތް ފަށަން ވެއްޖެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު މިހެން ވިދާޅުވީ ރޭ ޑިމޮކްރެޓްސްއިން ބޭއްވި މަޝްވަރާ ބައްދަލުވުމެއްގައި ވާހަކަ ދައްކަވަމުންނެވެ.

ރައީސް ނަޝީދުގެ ވާހަކައިގައި ވިދާޅުވީ މަގުހެދުން ފަދަ ކަންކަމުގެ ބަދަލުގައި ދައްކަންވީ ނިޒާމީ ވާހަކަތައް ކަމަށް އެމަނިކުފާނު ޤަބޫލް ކުރައްވާކަމަށެވެ.

ރައީސް ނަޝީދު ވިދާޅުވީ އެހެން ކެނޑިޑޭޓަކު ސިޔާސަތެއް ހުށައަޅުއްވާން އުޅޭ ވާހަކަ ދައްކަވާ ވާހަކަ އަޑުއިވިލައްވާފައި ނުވާ ކަމަށެވެ. އަދި އެހެން ޕާޓީތަކުން ޑިމޮކްރެޓްސްގެ ކެނޑިޑޭޓަކު ނެތް ވާހަކަ ދައްކާކަމަށާއި ނަމަވެސް އެމަނިކުފާނު ދެކިލައްވާ ގޮތުގައި މުހިންމީ ކެނޑިޑޭޓެއް ނޫން ކަމަށާއި، މުހިންމުވަނީ ސިޔާސަތު ކަމަށެވެ. ކޮންމެ މީހަކު ލީނަމަވެސް ވަނީ ގޯސް ކަމަށާއި އަދިއެއް ރަނގަޅުމީހަކު ވެރިކަމަށް ނުލެވޭ ކަމަށް އެމަނިކުފާނު ވިދާޅުވިއެވެ.

ނަޝީދުގެ ވާހަކައިގި ވިދާޅުވީ ޔޫރަޕްގެ ޤައުމުތަކުގައިވެސް ކަންކަން ރަނގަޅަށް ދަނީ މީހާ ރަނގަޅުވެގެން ނޫން ކަމަށާއި ނިޒާމު ރަނގަޅުވެގެން ކަމަށެވެ.

ރޭ ކުރިއަށްދިޔަ ޑިމޮކްރެޓްސްގެ މަޝްވަރާ ބައްދަލުވުމުގައި ރައްޔިތުންގެ މަޖިލިސް އެކުލަވާލާނެ އައު ނިޒާމެއްގެ ކަރުދާސް ރައީސް ނަޝީދު ވަނީ ހުށައަޅުއްވައިފައެވެ. އަދި ބައްދަލުވުމަށް ހާޒިރުވެތިބި ޢާންމުންވެސް ވަނީ ޚިޔާލު ފާޅުކޮށްފައެވެ.