ސައުދީ ޕްރޮފެޝަނަލް ލީގުގެ ޗެމްޕިއަން އަލް އިއްތިހާދުން ކުރިއަށް އޮތް ސީޒަނަށް ތައްޔާރުވުމުގެ ގޮތުން މިދިޔަ ހޯމަދުވަހު އެޓީމުގެ ފަރިތަކުންތައް ފެށިއިރު، އެޓީމާއި އަލަށް ގުޅުނު ރެއާލް މެޑްރިޑްގެ ކުރީގެ ކެޕްޓަން ކަރީމް ބެންޒީމާގެ އިތުރުން ފްރާންސްގެ އެންގޯލޯ ކަންޓޭ ވަނީ ފުރަތަަމަ ފަހަރަށް އެޓީމުގެ ފަރިތަކުރުންތަކުގައި ބައިވެރިވެފައެވެ.
އަލް އިއްތިހާދުން ޕްރީ ސީޒަން ޓްރޭނިންގ ހޯމަދުވަހު ފެށިއިރު، އެޓީމާއި އަލަށް ގުޅުނު 2022 ވަނަ އަހަރުގެ ދުނިޔޭގެ މޮޅުކުޅުންތެރިއާގެ މަގާމު ހޯދި ބެންޒެމާ އާއި ޗެލްސީގެ ލެޖެންޑް ކަންޓޭގެ އިތުރުން ޕޯޗުގަލްގެ ފޯވާޑް ޖޯޓާ އިތުރުން ބްރެޒިލްގެ ތިން ކުޅުންތެރިއަކު އެޓީމުގެ ސްކޮޓްގައި ހިމެނެއެވެ.
އަލް އިއްތިހާދުގެ ސްކޮޑުގައި ހިމެނޭ ބްރެޒިލްގެ ތިން ކުޅުންތެރިންނަކީ ކުރިން ގްރެމިއޯއަށް ކުޅުނު ގޯލްކީޕަރު މާސެލޯ ގްރޯހޭ އާއި މިޑްފީލްޑަރު އިގޯ ކްރޮނާޑޯ ގެ އިތުރުން ކުރިން ކޮރިންތިއަންސްގެ ފޯވާޑް ރޮމާރީނިއޯ އެވެ. އަދި ކުރިން ޕަލްމެއިރާސްއަށް ކުޅުނު އެޓީމުގެ ބްރެޒިލް މިޑްފީލްޑަރު ބްރޫނޯ ހެންރިކް ވަނީ މިދިޔަ ސީޒަނަށް ފަހު އެޓީމު ދޫކޮށްލާފައެވެ.
މިއަހަރުގެ ފަހުކޮޅު ސައުދީގައި ބޭއްވުމަށް ހަމަޖެހިފައިވާ ކުލަބު ވޯލްޑް ކަޕް ފުޓްބޯޅަ މުބާރާތުގައި މުބާރާތް ބާއްވާގައުމުގެ ޗެންޕިއަންގެ ހައިސިއްޔަތުން ވާދަކުރުމުގެ ފުރުސަތު ލިބިފައިވާ އަލް އިއްތިހާދު ދުރާލާ އެޓީމުގެ ފަރިތަކުރުންތައް ފެށިއިރު މި ހަފްތާ ތެރޭގައި ކްރިސްޓިއާނޯ ރޮނާލްޑޯ ކުޅެމުން އަންނަ އަލް ނަސްރު އިން ވެސް ވަނީ ޕްރީ ސީޒަން ޓްރޭނިންގ ފަށާފައެވެ.
Advertisement
This content is created and paid for by advertisers and does not involve Voice Journalists
