ކުވައިތުން ސްވިޑިޝް ބަހުން 100،000 ކީރިތި ޤުރުއާން މުސްޙަފް ޕްރިންޓުކުރުމަށް ނިންމައި އެކަން އިޢުލާނުކޮށްފިއެވެ.
އަޞްހާ ޢީދު ދުވަހު ސްވިޑެންގެ ސްޓޮކްހަމްގެ އެންމެ ބޮޑު މިސްކިތުގެ ކުރިމަތީގައި ކީރިތި ޤުރުއާން މުސްޙަފެއްގައި އަލިފާން ރޯކޮށްލައިފައިވެއެވެ. މިކަންކޮށްފައިވަނީ ޢިރާޤުން ސްވިޑެން އަށް ހިޖުރަ ކޮށް ސްވިޑިންގައި ދިރިއުޅެމުންދާ ސަލްވާން މޮމިކާ ނަމަކަށް ކިޔާމީހެކެވެ.
ކުވައިތުން ސްވިޑިޝް ބަހުން ކީރިތި ޤުރުއާން ޕްރިންޓުކުރުމަށް ނިންމައިފައިމިވަނީ މި ކަމަކާއިގުޅިގެނެވެ.
ކުވައިތުން ބުނެފައިވަނީ ސްވިޑިޝް އިނގިރޭސި ބަހުން ޕްރިންޓް ކުރެވޭ 100،000 ޤުރުއާން ބެހުމަށް ހަމަޖެހިފައިވަނީ ސްކަންޑަނޭވިއަން ޤައުމުތަކުގައި ކަމަށެވެ.
މިކަމާއި ގުޅިގެން ކުވައިތްގެ ބޮޑުވަޒީރު ޝެއިޚް އަޙްމަދު ނަވާފް އަލް އަޙްމަދު އަލް ޞަބާޙް ވިދާޅުވެފައިވަނީ ސްވިޑިޝް ބަހުން ކީރިތި ޤުރުއާން ޕްރިންޓް ކުރުމުގެ މަޤްސަދަކީ އިސްލާމް ދީނުގެ މަތިވެރިކަން ޕްރޮމޯޓްކުރުން ކަމަށެވެ.
Advertisement
This content is created and paid for by advertisers and does not involve Voice Journalists
