ސާބިއާގެ މިޑްފީލްޑަރު މިލިންކޮވިޗް ސަވިޗް ސައުދީ ޕްރޮފެޝަނަލް ލީގުގެ އަލް ހިލާލަށް ސޮއިކޮށްފި އެވެ.

މިޑިއާ ރިޕޯޓްތައް ބުނާގޮތުގައި އުމުރުން 28 އަހަރުގެ މިޑްފީލްޑަރު އަލް ހިލާލަށް ބަދަލުވަނީ ތިން އަހަރުދުވަހުގެ އެއްބަސްވުމެއްގެ ދަށުން 40 މިލިއަން ޔޫރޯގެ ޓްރާންސްފާ ފީއެއްގައެވެ. އަދި މި އެއްބަސްވުމުގައި ވާ ގޮތުން ކުޅުންތެރިއާ ބޭނުންވެއްޖެނަމަ މި މުއްދަތު އިތުރު އެއް އަހަރަށް އިތުރު ކުރުމުގެ ފުރުސަތު އޮންނަ މާއްދާއެއް އެއްބަސްވުމުގައި ހިމަނާފައި ވެއެވެ.

2015 އަހަރު ބެލްޖިއަމްގެ ޖެންކް އިން ލާޒިއޯއަށް ބަދަލުވި، މިލިންކޮވިޗް 5 ޑިސެމްބަރު 2021 ވަނަ އަހަރު ސަމްޕްޑޯރިއާ ކޮޅަށް ޖެހި ގޯލާއެކު ލާޒިއޯގެ ތާރީހުގައި އެންމެ ގިނަ ލަނޑު ޖެހި މިޑްފީލްޑަރުގެ މަގާމް މިލިންކޮވިޗް-ސަވިޗް އަށް ވަނީ ލިބިފައެވެ.  ކުރިން އެ ރެކޯޑް އޮންނަނީ 33 ލަނޑާއެކު ޕަވެލް ނެޑްވެޑް އަތުގައެވެ.

Advertisement

ފާއިތުވެދިޔަ 8 އަހަރު ތެރޭގައި އޭނާ ވަނީ ލާޒިއޯއަށް ކުޅެދިން 341 މެޗުގައި 69 ލަނޑު އެޓީމަށް ކާމިޔާބުކޮށްދިނީފައެވެ. މީގެ އިތުރުން ސާބިއާގެ ގައުމީ ޓީމަށް 43 މެޗު ކުޅެ 9 ލަނޑު ކާމިޔާބުކޮށްދީފައިވާ ސަވިޗް ވަނީ ސާބިއާގެ 19 އަހަރުން ފެށިގެން ޓީމާއެކު 19 އަހަރުން ދަށުގެ ޔޫރޯ އަދި 20 އަހަރުން ދަށުގެ ޓީމާއެކު 20 އަހަރުން ދަށުގެ ވޯލްޑްކަޕް ފުޓްބޯޅަ މުބާރާތް ކާމިޔާބުކޮށްފައެވެ.