އެމްޑީޕީގެ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ދަ ޑިމޮކްރެޓްސްއަށް ސޮއިކުރައްވައިފިއެވެ.
ރައީސް ނަޝީދަށް ތާއީދު ކުރައްވާ ފަރާތްތަކުން އުފެއްދި އެ ޕާޓީއަށް އެމަނިކުފާނު ސޮއި ކުރައްވާފައިވަނީ ރޭ އެކަމަށް ހާއްސަކޮށްގެން ބޭއްވި ޖަލްސާ އެއްގައެވެ.
ދިވެހި ރާއްޖޭގައި ހިންގާ ސިޔާސީ ޕާޓީ ތަކިގެ ދަފްތަރުގައި ދަ ޑިމޮކްރެޓްސް ހިމަނާފައިވަނީ ނިމުނު ހަފްތާގެ ބުދަ ދުވަހުގައެވެ. އެ ޕާޓީގެ މުއައްސިސް އަކީ ހެންވޭރު ހުޅަނގު ދާއިރާގެ މެންބަރު ޙަސަން ލަތީފެވެ. އީސީން ބުނީ ޕާޓީ ދަފްތަރުގައި ހިމެނީ ސިޔާސީ ޕާޓީއެއް ރަޖިސްޓަރީ ކުރުމަށްޓަކައި ފުރިހަމަ ވާންޖެހޭ އިޖްރާއާތު ފުރިހަމަ ކޮށްފައިވާތީ ކަމަށެވެ.
3000 މެންބަރުންގެ ސޮޔާއި އެކު ދަ ޑިމޮކްރެޓްސް އުފެއްދުމުގެ މަސައްކަތް އެ ޕާޓީން ފަށައިފައިވަނީ މެއި މަހުގެ ތެރޭގައެވެ. ނަމަވެސް ޕާޓީ އުފައްދާ ޖަލްސާ ބޭއްވުނީ ޖުލައި މަހުގެ 5 ވަނަ ދުވަހުއެވެ.
އެޖަލްސާގައި ވަނީ އެޕާޓީގެ ވަގުތީ ޗެއަރޕާސަން އަކަށް ހަސަން ލަތީފް ހަމަޖައްސައިފައެވެ. އަދި އޭގެއިތުރުން ވަގުތީ ޗެއާޕާސަންގެ ނައިބުންގެ ގޮތުގައި ތިން ބޭފުޅެއްގެ ނަން ވަނީ ހުށަހަޅައިފައެވެ.
Advertisement
This content is created and paid for by advertisers and does not involve Voice Journalists
