ކުރީގެ ރައީސް، އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އުމުރު ދުވަހަށް މުސާރަ ޔަގީންވެ ވަޑައިގެންނެވީވެސް އެމްޑީޕީގައި ހުރެގެން ކަމަށް އެޕާޓީގެ ކުރީގެ ޗެއާޕާސަން މޫސާ މަނިކު ވިދާޅުވެއްޖެއެވެ.
އެމްޑީޕީން ވަކިވެވަޑައިގެން، އަލަށް އުފެދުނު ދަ ޑިމޮކްރެޓްސް ޕާޓީއާއި ގުޅިވަޑައިގެންނެވުމަށްފަހު ރޭ ބޭއްވި ޖަލްސާގައި ވާހަކަ ދައްކަވަމުން ރައީސް ނަޝީދު ވަނީ އެމްޑީޕީ ރޫޅާލައްވާނެ ކަމަށް ތަކުރާރުކޮށް ވިދާޅުވެފަ އެވެ.
އެކަމާއި ގުޅިގެން ރީކޯމޫސަ ކުރެއްވި ޓްވީޓެއްގައި ވިދާޅުވީ އެމްޑީޕީ އަކީ ރައްޔިތުންގެ ގިނަ ބަޔަކު އުފެއްދި ޕާޓީއެއް ކަމަށާ، އެ ޕާޓީ އަދިވެސް އޮތީ ގަދަކޮށް ކަމަށެވެ.
ރީކޯމޫސަ އިތުރަށް ވިދާޅުވީ އެމްޑީޕީން ކެނޑުނު ކޮންމެ ރައީސަކުވެސް ޕާޓީއެއް އުފެއްދި ކަމަށާ އެހެން ނަމަވެސް އެ ޕާޓީތައް ދިޔައީ "ފަނުފުލުން" ކަމަށެވެ.
މިއާއެކު އޭނާ ވަނީ ރައީސް ނަޝީދު އެމްޑީޕީގެ ޓިކެޓުގައި ރައީސް ކަމަށް ވާދަކުރައްވައި، އިންތިހާބު ކާމިޔާބު ކުރެއްވުމުން، ރައީސުލްޖުމްހޫރިއްޔާ ކަމުގެ މަގާމު އަދާކުރީތީ ލިބޭ އިނާޔަތް ވެސް ލިބެނީ އެމްޑީޕީން ކަމަށް ވިދާޅުވެފައެވެ.
"އެމްޑީޕީގެ ޖަނާޒާވެސް ބޭއްވި ތަންކޮޅެއްކުރިން؟ އޭގެ ފަހުން އަދި ފާތިޙާ ދުވަހެއްވެސް ފާހަގައެއްނުކުރޭ. އެމްޑީޕީ ހަމަގަދަކޮށްމިއޮތީ؟ މީ ރައްޔަތުންގެ ގިނަބަޔަކު އުފެއްދި ޕާޓީއެއް. މީގެކެނޑުނު ކޮންމެ ރައީސަކު ޕާޓީއެއް އުފެއްދި. ފަނުފުލުންދިޔައީ. އުމުރުދުވަހަށް މުސާރަ ޔަޤީންވީ މިޕާޓީންނެއްނު." ރީކޯމޫސަ ވިދާޅުވި އެވެ.
ރޭ ޑިމޮކްރެޓްސް އިން ބޭއްްވި ޖަލްސާގައި ރައީސް ނަޝީދު ވަނީ އެމްޑީޕީ އަށް ވަރަށް ބޮޑަށް ފާޑުވިދާޅުވެފައެވެ. އެގޮތުން ޔޫނަޝީދު ވިދާޅުވީ އެމްޑީޕީގެ ތެރޭގައި އެ މަނިކުފާނުގެ ވަރަށް ގާތް ރަހުމަތްތެރިން ތިއްބެވި ކަމަށެވެ. ނަމަވެސް އެ ބޭފުޅުން މިހާރު އެ ތިއްބެވީ "ގޯސްތަނުގައި" ކަމަށް ކަމަށްވެސް ވިދާޅުވި އެވެ.
"އަޅުގަނޑު ދަންނަވާނަން އެމްޑީޕީގެ ހުރިހާ މެމްބަރުންނަށް. ތި ޕާޓީ އިރާދަކުރެއްވިއްޔާ އަޅުގަނޑު ރޫޅާލާނަން. ރޫޅާލާނަން. ރޫޅާލާނަން. ރޫޅާލާނަން. ރޫޅާލާނަން. ރޫޅާލާނަން. ތި ކެޔޮގަނޑުގެ ފޫ ވައް، ވެއްޓިއްޖެ، ތި ޕާޓީ އަޅުގަނޑުމެން ރޫޅާލާނަން،" ނަޝީދު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
