މިއަހަރުގެ ސެޕްޓެމްބަރު މަހުގެ 9ގައި ބާއްވާ ރިޔާސީ އިންތިޚާބުގައި މ ކޮޅުފުށިން 65 ޕަސެންޓު ވޯޓު ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހަށް ހޯދައިދޭންވާނެ ކަމަށް ހޯމް މިނިސްޓަރު އަދި ސަރުކާރުގެ ކޯލިޝަން ޕާޓުނަރު އަދާލަތު ޕާޓީގެ ރައީސް އިމްރާނު އަބްދުﷲ ވިދާޅުވެއްޖެ އެވެ.
އިމްރާނު މިފަދައިން ވިދާޅުވެފައި ވަނީ މ ކޮޅުފުށީގައި އޮތް ރައީސް ޞާލިހުގެ ރިޔާސީ ކެމްޕޭނު ޖަލްސާއެއްގައި ވާހަކަދައްކަވަމުން ނެވެ.
އިމްރާނު ވިދާޅުވީ ސުނާމީ ކާރިސާއަށްފަހު މިހާތަނަށް ފާއިތުވި 20 އަހަރުގައި ރަށުގައި ތަރައްގީގެ މަޝްރޫއުތައް ކުރިއަށްދާ ކަމުގެ އިހުސާސް ރައްޔިތުންނަށް ކުރެވިފައިވަނީ ރައީސް ޞާލިހުގެ ސަރުކާރުގައި ކަމަށެވެ.
އެގޮތުން މި ސަރުކާރުން ހިންގާ 13 މަޝްރޫއެއް މިޙާރު ވެސް ކޮޅުފުށީގައި ކުރިއަށްދާ ކަމަށާއި، މިހާ ގިނަ އަދަދެއްގެ މަޝްރޫއު އެއްފަހަރާ ކޮޅުފުށީގައި ހިންގި ހަނދާނެއް ރަށުގެ ރައްޔިތުންގެ ނުހުންނާނެކަަމަަށް އިމްރާނު ވިދާޅުވި އެވެ.
އެކަން ފާހަގަކުރައްވާ އިމްރާނު ވިދާޅުވީ ރައީސް ޞާލިހުގެ ވެރިކަމުގައި ކޮޅުފުއްޓަށް ލިބުނު ކުރިއެރުންތައް ދަމަހައްޓާ، ތަރައްގީގެ މަޝްރޫއުތައް ނުހުއްޓި ކުރިއަށް ގެންދިއުމަށް އެދޭނަމަ ރައީސް ޞާލިހު ދެވަނަ ދައުރަކަށް އިންތިޚާބު ކުރުމުގެ މަސައްކަތް ރައްޔިތުން ކުރައްވަން ޖެހޭކަމަށެވެ.
އަދި އަމާޒަކަށް ވާނީ ކޮޅުފުޅިން 65 އިންސައްތަ ވޯޓު ރައީސް ޞާލިހަށް ހޯއްދަވާދެއްވަުން ކަމަށް އިމްރާނު ވިދާޅުވި އެވެ.
"ރައީސް އިބްރާހިމް މުޙައްމަދު ޞާލިހު ކުރެއްވި ވައުދުތަކަކީ ފިދޭނެ ދައުދުތައްކަން ތިޔަ ހުރިހާ ރައްޔިތުން (ކޮޅުފުށީ ރައްޔިތުން) ހެކިވެ ވަޑައިގަންނަވާނެ. އެހެންވީމަ މިރަށުން ރައީސަށް މަދުވެގެން 65 ޕަސެންޓު ވޯޓު ހޯދައިދޭން ވާނެ"
އިމްރާނު އަބްދުﷲ
އިމްރާނު ވިދާޅުވީ ރައީސް ޞާލިހު ގެންދަވަނީ ކުޑަ ރަށެއް ބޮޑު ރަށެއް ބެއްލެވުމެއް ނެތި މުޅި ރާއްޖޭގެ ރައްޔިތުންނަށް ބޭނުންވާ އަސާސީ ޚިދުމަތްތައް ފޯރުކޮށްދިނުމުގެ މަސައްކަތްޕުޅު ކުރައްވަމުން ކަމަށެވެ.
އަދި އެމަނިކުފާނު މަސައްކަތްޕުޅު ކުރައްވަނީ ދިވެހިރާއްޖެއަކީ އަމާން ރާއްޖެއެއްގެ ގޮތުގައި ބޭއްވުމަށް ކަމަށާއި، އެ ފުރުސަތު ރައްޔިތުން އެމަނިކުފާނަށް ދެއްވަން ޖެހޭކަމަށް އިމްރާނު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
