މާލެ ސިޓީ ކައުންސިލްގެ ގަލޮޅު ދެކުނު ދާއިރާގެ މެމްބަރު އިބްރާހިމް މުޙައްމަދު ހައްޔަރު ކުރުމުން މާލޭ ސިޓީ ކައުންސިލުން އެކަން ކުށްވެރިކޮށްފިއެވެ.
އިބްރާހިމް ހައްޔަރުކޮށްފައިވަނީ ރޭ އިދިކޮޅު ކޯލޮޝަނުން ރޭ މާލޭގައި ކުރި މުޒާހަރާގައެވެ.
ސިޓީ ކައުންސިލުން ބުނެފައިވަނީ ޕީޕީއެމް ޕީއެންސީ ކޯލިޝަނުން ރޭ ބޭއްވި ސުލްހަވެރި އެއްވުމުގެ ތެރެއިން އިބްރާހިމް މުޙައްމަދު ހައްޔަރުކޮށްފައިވާ ކަމަށެވެ.
އަދި އެކައިންސިލުން އެކަން ކުށްވެރި ކުރާކަމަށް ބުނެފައިވެއެވެ. އަދި އެކައުންސިކުލުން ޤަބޫލުކުރާ ގޮތުގައި އެއީ ޤާނޫނު އަސާސީން ލިބިދީފައިވާ ޝުޢޫރު ފާޅުކުރުމުގެ މިނިވަންކަން ހަނިކޮށް މާލެ ސިޓީގެ ގަލޮޅު ދެކުނު ދާއިރާގެ ރައްޔިތުން އެމީހެއްގެ މަންދޫބެއްގެ ގޮތުގައި އެދާއިރާއަށް ހޮއްވަވާފައި ހުރި އެދާއިރާގެ ކައުންސިލަރުގެ އަޑު ކަނޑުވާލުމަށްޓަކައި ހިންގާފައިވާ ޢަމަލެއް ކަމަށެވެ.
އަދި އެއީ ދިމިޤްރާތީ ވެއްޓެއްގައި ކަންވެގެން ދާންޖެހޭގޮތް ނޫންކަމަށްވެސް އެކައުންސިލުން ޤަބޫލުކުރާ ކަމަށެވެ.
ކައުންސިލަރ އިބްރާހިމް މުޙައްމަދު ވަގުތުން ވަގުތައް ދޫކޮށްލުމަށް އެކައުންސިލުން ގޯވާލާކަމަަށްވެސް މާލޭ ސިޓީ ކައުންސިލުން ނެރެފައިވާ ބަޔާނުގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
