އެންޓިކޮރަޕްޝަން ކޮމިޝަންގެ އިސް މުވައްޒަފުންނާއި އިތުރު އެހެން ބައެއް މުވައްޒަފުން އިންޑިޔާއަށް ފުރުމަށް ހަމަޖެހިއްޖެއެވެ.
އެ މުވައްޒަފުން އިންޑިއާއަށް ދާން ހަމަޖެހިފައިވަނީ އަންނަ ހޯމަ ދުވަހުން ފެށިގެން ބުދަ ދުވަހުގެ ނިޔަލަށް އިންޑިޔާގައި ކުރިއަށް ގެންދާ "ކެޕޭސިޓީ ބިލްޑިން ޕްރޮގްރާމް ފޯ އެގްޒެކެޓިވްސް އެންޑް ސީނިއާ އޮފިޝަލްސް" ތަމްރީން ޕްރޮގްރާމްގައި ބައިވެރިވުމަށެވެ.
އިންޑިުާގެ ނޭޝަނަލް ސެންޓަރ ފޮރ ގުޑް ގަވަރނަންސް (އެންސީޖީޖީ)އިން ކުރިއަށްގެންދާ އެ ތަމްރީނުތަކަކީ އިންޑިޔާގެ އެންޓި ކޮރަޕްޝަން، އެތިކްސް އަދި އިންޓެގްރިޓީއާ ގުޅުންހުރި އެކި މުއައްސަސާތަކާ ގުޅިގެން ކުރިއަށްގެންދާ ތަމްރީނު ތަކެކެވެ.
އޭސީސީގެ މުވައްޒަފުން އިންޑިޔާއަށް ތަމްރީނަށް ފޮނުވަން ނިންމާފައިވާއިރު ޖުޑީޝަރީގެ މުވައްޒަފުންނާއި ފަނޑިޔާރުން ވެސް ވަނީ ތަމްރީންނު ދަތުރުތަކުގައި އިންޑިއާއަށް ގެންގޮސްފައިކަން ފާހަގަކޮށްލަންޖެހެއެވެ.
Advertisement
This content is created and paid for by advertisers and does not involve Voice Journalists
