ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހުގެ ސަރުކާރުން ވަނީ ފުލުހުން ސިޔާސީ އެކްޓިވިސްޓުންނަށް ހަދާފައިކަމަށް ކުރީގެ ނައިބު ރައީސް އަދި ޕީޕީއެމްގެ އެޑްވައިޒަރު ޑރ މުޙައްމަދު ޖަމީލު އަހުމަދު ވިދާޅުވެއްޖެ އެވެ.
ޑރ ޖަމީލު މިފަދައިން ވިދާޅުވެފައިވަނީ ފުލުހުންގެ މުއައްސަސާއަށް މީގެ ކުރިން އޮތް ސިޔާސީ ނުފޫޒުތައް މި ސަރުކާރުން ނައްތާލާފައިވާކަން ފާހަގަކޮށް ރައީސް ޞާލިހު ދެއްކެވި ވާހަކަތަކަށް ޓްވިޓާގައި ރައްދުދެއްވަމުން ނެވެ.
މ އަތޮޅަށް ރައީސް ޞާލިހު ކުރައްވާ ކެމްޕޭނު ދަތުރުފުޅުގައި އެ އަތޮޅު ކޮޅުފުށީގައި ބޭއްވި ޖަލްސާއެއްގައި ވާހަކަދައްކަވަމުން ރައީސް ޞާލިހު ވިދާޅުވީ ފުލުހުންގެ މުއައްސަސާއަށް އޮތް ސިޔާސީ ނުފޫޒު މިހާރު ނައްތާލެވިފައިވާ ކަމަށެވެ. އަދި އެ މުއައްސަސާއަކީ މިހާރު މިނިވަންކަމާއެކު ހިންގާ ތަނަކަށް ހަދާދެވިފައި ވާ ކަމަށެވެ.
އެ ވާހަކަތަކަށް ރައްދުދެއްވާ ޑރ ޖަމީލު ވިދާޅުވީ 2008 ގެ ފަހުން އެންމެ ލާއިންސާނީ ވެރިކަމަށް ކުރައްވަމުން ދަނީ ރައީސް ޞާލިހު ކަމަށެވެ. އަދި އެމަނިކުފާނު ގެންދަވަނީ ފުލުހުންގެ މުއައްސަސާ ހިންގަވަމުން ކަމަށެވެ.
ރައީސް ޞާލިހު ފުލުހުންގެ މުއައްސަސާއަށް ނުފޫޒު ފޯރުވާ އަރިސް ބޭދުޅުންގެ މައްސަލަތައް ހިންދާލާ ރައްޔިތުންނަށް ބޮޑެތި އަނިޔާތަކެއް ދެމުންދާކަމަށް ޑރ ޖަމީލު ވަނީ ވިދާޅުވެފަ އެވެ.
ރައީސް ޞާލިހުގެ އަރިހުގައި ސީޕީ ހަމީދާއި މިނިސްޓަރު އިމްރާނު
"ފުލުހުންގެ އިދާރާ ހިންގީ ރ. އިބޫ. ކޮބާ މާކުން ފަލާޙުގެ ދަރި؟ ޖީހާނުގެ ފިރިމީހާގެ މައްސަލަ ބެލުނު؟ ރ. ޔާމީނު ވަނީ ފްރޭމްކޮށްފައި. މިއީ 2018 ނޫން. މަނިކުފާނު ވަށައިގެން ތިބި ފެނަކަ ސައީދު، އާރުޑީސީ ފަދަ ބައެއްގެ ގެކަމެއް ބެލޭތަ؟ ފުލުހުން ވަނީ އިބޫގެ އެކްޓިވިސްޓުންނަށް ހަދާ ރައްޔިތުންގެ ޢިޙްތިރާމާ އިތުބާރު ގެއްލިފައިވާ ބަޔަކަށް ވެފައި. މިޙަގީގަތް ދޮގު ކުރެވޭނެ"
ކުރީގެ ނައިބު ރައީސް ޑރ ޖަމީލު
ޑރ ޖަމީލު އިތުރަށް ވިދާޅުވީ މިއަދު ފުލުހުންނަކީ ރައީސް ޞާލިހުގެ ސިޔާސީ އެކްޓިވިސްޓުންތަކަކަށް ހަދާފައިވާ ކަމަށެވެ. އަދި އެއީ ދޮގު ނުކުރެވޭވެ ހަގީގަތްތަކެއް ކަމަށެވެ.
ފުލުހުންގެ އިސް ވެރިއެއްގެ ގޮތުގައި ކަމިޝަނާ އޮފް ޕޮލިސްގެ މަގާމުގައި މިއަދު ހުންނެވީ ރައީސް ޞާލިހާއި އާއިލީގޮތުން ގާތް ބޭފުޅެކެވެ.
އެމަނިކުފާނު ފުލުހުންގެ މުއައްސަސާ ސިޔާސީކޮށް، މުޅި މުއައްސަސާގެ އަގުވައްޓާލާ ފުލުހުންނަށް ރައްޔިތުން ކުރާ އިޚްތިރާމު ކަނޑުވާލާފައިވާކަމަށް ޑރ ޖަމީލު ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
