ރައީސް އިބްރާހިމް މުޙައްމަދު ޞާލިޙް ވ ރަކީދޫ އަށް ވަޑައިގެންފިއެވެ. މި ދަތުރުފުޅަކީ ރައީސް ޞާލިޙް ރިޔާސީ އިންތިޚާބަށް ކެމްޕޭނު ކުރެއްވުމަށް ރާއްޖޭގެ ރަށްރަށަށް ކުރައްވާ ދަތުރުފުޅު ތަކުގެ ތެރެއިން ކުރައްވަމުންދާ ދަތުރުފުޅެކެވެ.
ވ. އަތޮޅަށް ރައީސް ކުރައްވާ ދަތުރުފުޅުގައި ވ. ރަކީދޫ، ކެޔޮދޫ، ފެލިދޫ، ތިނަދޫ އަދި ފުލިދޫއަށް ވަޑައިގަތުމަށް ވަނީ ހަމަޖެހިފަ އެވެ.
މ. އަތޮޅަށާއި ވ. އަތޮޅަށް ކުރައްވަމުން ގެންދަވާ 3 ދުވަހުގެ ދަތުރު ފުޅުގައި އެންމެ ފުރަތަމަ އެމަނިކުފާނު ވަޑައިގަތީ މ ކޮޅުފުއްޓަށެވެ.
ކޮޅުފުއްޓަށް ވަޑައިގެން އެރަށުގައި ނިމިފައިހުރި ތަރައްޤީޤެ މަޝްރޫޢުތައް ވަނީ އިފްތިތާޙު ކޮށްދެއްވާފައެވެ. އެގޮތުން ކޮޅުފުށީ ފެނުގެ ނިޒާމް އިފްތިތާޙް ކޮށްދެއްވައިފައެވެ. އަދި އެރަށު ގޮނޑުދޮށް ހިމާޔަތްކުރުމުގެ މަސައްކަތް ނިމުންވެސް ވަނީ ފާހަގަ ކުރައްވައިފައެވެ.
މީގެ އިތުރުން މ. އަތޮޅު މަދަރުސާގެ މަލްޓި ޕާޕޯސް ހޯލާއި އާ އަށް ކްލާސް ރޫމްގެ އިމާރާތް ހުޅުއްވައިދެއްވައިފައިވެއެވެ. ކޮޅުފުއްޓަށްފަހު އެމަނިކުފާނާއި އެމަނިކުފާނުގެ ޓީމު ދެން ވަޑައިގަތީ މ ނާލާފުއްޓަށެވެ. އެއަށް ފަހު މުލި އަދި މުލަކަށް ވެސް ވަޑައިގެންފައިވެއެވެ.
އަދި އިއްޔެ ވަނީ ވޭވަށް، ރަތްމަންދޫ، މަޑުއްވަރި އަދި ދިއްގަރަށް ވެސް ވަޑައިގެންފައެވެ.
ރައީސް އިންތިޚާބުގެ ކެމްޕޭންގައި ރައީސް ޞާލިޙް މިދިޔަ ހަފްތާގައި ވަނީ ށ. އަދި ކ. އަތޮޅުގެ ބައެއް ރަށްރަށަށް ވަޑައިގެންފަ އެވެ.
Advertisement
This content is created and paid for by advertisers and does not involve Voice Journalists
