ހުޅުމާލެ ފޭސް 1 ޕޮލިސް ސްޓޭޝަނަށް ހުށަހަޅާފައިވާ ވައްކަމުގެ މައްސަލަތަކުގައި ހިމެނޭ ބައެއް ތަކެތި ފުލުހުން ހޯދައި އެތަކެތީގެ ވެރިފަރާތާ ހަވާލުކޮށްފިއެވެ.
މިކަމާއި ގުޅިގެން ފުލުހުން ނެރެފައިވާ ބަޔާނެއްގައި ބުނެފައިވަނީ ހުޅުމާލެ ފޭސް 1 ޕޮލިސް ސްޓޭޝަނުން ކުރިއަށް ގެންދިޔަ އޮޕަރޭޝަންތަކެއްގައި ހޯދާފައިވަނީ މި އަހަރުގެ މެއި އަދި ޖޫން މަހު ހުށަހަޅާފައިވާ ވައްކަމުގެ މައްސަލަތަކުގައި ހިމެނޭ ތަކެތި ކަމަށެވެ.
މީގެ ތެރޭގައި މޯބައިލް ފޯނާއި، އިލެކްޓްރޯނިކްސް ސާމާނާއި ސައިކަލުގެ އިތުރުން ފައިސާއާއި އެހެނިހެން ތަކެތި ހިމެނޭ ކަމަށް ފުލުހުން ވަނީ ބުނެފައެވެ.
މިއާއިއެކު މި ތަކެތީގެ އަގު 356000 ރުފިޔާ އަށްވުރެ ގިނަ ކަމަށް ފުލުހުން ވަނީ ފާހަގަކޮށްފައެވެ.
މިދިޔަ މަހުގެ ތަފާސްހިސާބުތަކާއި މޭ މަހުގެ ތަފާސްހިސާބުތަކަށް ބަލާއިރު ދެ މަހުވެސް އެންމެ ގިނައިން ހުށަހަޅާފައިވަނީ ވައްކަމުގެ މައްސަލަތަކެވެ.
އެގޮތުން ޖޫން މަހު ޖުމްލަ 172 ވައްކަމުގެ މައްސަލަ ފުލުހުންނަށް ހުށަހަޅާފައިވާއިރު މެއި މަހު ހުށަހަޅާފައިވަނީ 221 މައްސަލައެވެ.
Advertisement
This content is created and paid for by advertisers and does not involve Voice Journalists
