ކުރިއަށް އޮތް އަހަރެއްހާ ދުވަސް ތެރޭގައި ގިނަ އަދަދެއްގެ މޮޮޅެތި ކުޅުންތެރިންތަކެއް ސައުދީ ލީގަށް އަންނާނެކަމަށާއި އެއާއެކު ސައުދީ ޕްރޮފެޝަނަލް ލީގުން ތުރުކީ ލީގައި ނެދަލޭންޑްސްގެ ލީގު ފަހަތަށް ޖައްސާލާނެކަމަށް އަލް ނަސްރުގެ ކެޕްޓަން ކްރިސްޓިއާނޯ ރޮނާލްޑޯ ބުނެފިއެވެ.

ކްރިސްޓިއާނޯ ރޮނާލްޑޯ ޕޯޗުގަލްގެ ނޫސްވެރިންނާ ވާހަކަދައްކަމުން ބުނީ އަހަރެން ސައުދީ ލީގަށް އައުމުން އެމީހުން އެކަމަށް ފަޑުކިއިކަމަށާއި ނަމަވެސް މިހާރު މިވަނީ ކިހިނެއްތޯ ރޮނާލްޑޯ ވަނީ ސުވާލުކޮށްފައެވެ.

" ޔޫރަޕުގެ މޮޅެތި ގިނަ ކުޅުންތެރިން މިހާރު ބޭނުންވޭ ސައުދީ ލީގަށް އަންނަން."

Advertisement

2022 ވަނަ އަހަރު ޕްރެމިއާ ލީގުގެ މެންޗެސްޓާ ޔުނައިޓެޑުން ރޮނާލްޑޯގެ އެއްބަސްވުން އުވާލުމުން ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯ ސައުދީ ޕްރޮފެޝަނަލް ލީގުގެ އަލް ނަސްރަށް ބަދަލުވީ 200 މިލިއަން ޔޫރޯގެ އެއްބަސްވުމެއްގެ ދަށުންނެވެ. އަދި އެކުލަބަށް ސޮއި ކުރުމަށްފަހު މީޑިއާ އާއި ވާހަކަ ދައްކަމުން ރޮނާލްޑޯ ބުނީ ސައުދީ ލީގަކީ ވަރަށް ވާދަވެރި މީހެއްކަމަށާއި އެލީގުން އެކުލަވާލާފައިވާ ޕްލޭނާއި އެއްގޮތަށް ހުރިހާ ކަމެއް ރަގަޅަށް ގޮސްފިނަމަ ކުރިއަށް އޮތް ފަސް އަހަރު ތެރޭގައި ދުނިޔޭގެ އެންމެ ވަރުގަދަ ފަސް ލީގުގެ ތެރޭގައި  ސައުދީ ޕްރޮފެޝަނަލް ލީގު ހިމެނިގެންދާނެ ކަމަށެވެ. ނަމަވެސް އޭރު ގިނަ ބަޔަކަށް އެވާހަކަތައް ވީ ޖޯކަކަށެވެ. 

ނަމަވެސް މިހާރު ފެންނަމުން މިދަނީ ރޮނާލްޑޯ ތަސައްވަރު ކުރިހެން ޔޫރަޕުގެ ބޮޑެތި ޓީމުތަކަށް ނޫނެކޭ ބުނެ ދުނިޔޭގެ ފެންވަރުގެ މޮޅެތި ކުޅުންތެރިން ސައުދީ ލީގަށް ބަދަލުވަމުން އަންނަ ތަނެވެ. އޭގެތެރޭގައި މިދިޔަ އަހަރު ދުނިޔޭގެ އެންމެ މޮޅު ކުޅުންތެރިޔަކަށް ހޮވުނު ރެއާލް މެޑްރިޑްގެ ކެޕްޓަން ކަރީމް ބެންޒީމާ އާއި ޗެލްސީ ގެ ކަންޓޭގެ އިތުރުން ޚާލިދް ކުލިބާލީ އާއި ލިވަޕޫގެ ރޮބާޓޯ ފިރްމީނޯގެ އިތުރުން 2021 ވަނަ އަހަރު ދުނިޔޭގެ އެންމެ މޮޅު ގޯލްކީޕަރުގެ މަގާމު ހޯދި މެންޑީ ފަދަ ހުނަރުވެރި އެތަކެއް ކުޅުންތެރިންނެއް ހިމެނެއެވެ.