ޑިސްޓްރިބިއުޝަން ކޭބަލަކަށް ގެއްލުންވެ ހުޅުމާލޭގެ ބައެއް ސަރަހައްދުތަކުން ކަރަންޓް ކެނޑިއްޖެއެވެ.

މިކަމާއި ގުޅޭގޮތުން ސްޓެލްކޯއިން ބުނެފައިވަނީ ވިނަރެސް ފްލެޓްތަކާއި ދިމާއިން ކޮނުމުގެ ތެރޭ ޑިސްޓްރިބިއުޝަން ކޭބަލަކަށް ގެއްލުންވެ ހުޅުމާލޭގެ ފުރަތަމަ ފިޔަވައްސާއި ދެވަނަ ފިޔަވަހީގެ ބައެއް ސަރަހައްދުތަކުން ވަނީ  ކަރަންޓުގެ ހިދުމަތް މެދުކެނޑިފައި ކަމަށެވެ.

11:18 އެހާއިރު ފުރަތަމަ ފޭސް އިން ކަރަންޓުގެ ހިދުމަތް މެދުކެނޑުނު ސަރަހައްދުތަކުގެ ތެރެއިން  ބައެއް ސަރަހައްދުތަކަށް ވަނީ އަލުން ކަރަންޓުގެ ހިދުމަތް ދެވިފައިވެއެވެ. އަދި ފުރަތަމަ ފިޔަވަހިން ކަރަންޓުގެ ހިދުމަތް މެދުކެނޑުނު ހުރިހާ ސަރަހައްދަކަށް އޭގެ ކުޑަ ވަގުތުކޮޅެއް ތެރޭ އަލުން ކަރަންޓު ވަނީ ދެވިފައެވެ. ދެވަނަ ފިޔަވަހީގެ އެސްއޯއީތަކުގެ ފްލެޓްތައް ހުންނަ ސަރަހައްދަށް ކޭބަލް މަރާމާތު ކުރުމަށް ހޭދަވި 2 ގަޑި އިރަށް ފަހު މިހާރުވަނީ ވިނަރެސް ފްލެޓްތަކާއި ދިމާލުން ކޮނުމުގެ ތެރޭ ކޭބަލަކަށް ގެއްލުންވެ ހުޅުމާލެއިން ކަރަންޓުގެ ހިދުމަތް މެދު ކެނޑުނު މީހުން ދިރިއުޅޭ ހުރިހާ ހިސާބަކަށް އަލުން ކަރަންޓު ދެވިފައެވެ.

Advertisement