ރާއްޖެއިން ބޭރުގައި ތިއްބެވި ބޭފުޅުންނަށް އޮންލައިންކޮށް ރީރެޖިސްޓަރ ނުކުރެވޭނެ ކަމަށް އިލެކްޝަންސް ކޮމިޝަންގެ ރައީސް ފުއާދު ތައުފީޤް ވިދާޅުވެއްޖެއެވެ.

ފުއާދު މިހެން ވިދާޅުވީ ޓްވިޓަރ ގައި މީހަކު ފުއާދު ޓެގް ކޮށް ކޮށްފައިވާ ޓްވީޓަކަށް ޖަވާބުދެއްވަމުންނެވެ.

އެގޮތުން ފުއާދު ވިދާޅުވެފައިވަނީ ކޮލަމްބޯ، ޓްރިވެންޑްރަމް، ލަންޑަން، ކުއަލަލަމްޕޫރް ފަދަ ރަށެއްގައި ހުންނެވިނަމަ އެރަށެއްގައި ހުންނަ ހައި ކޮމިޝަންއަށް ރީރެޖިސްޓޭޝަން ފޯމު ހުށައެޅުއްވުމަށް އެދޭ ކަމަށެވެ.

Advertisement

"ރާއްޖެއިން ބޭރުގައި ތިއްބެވި ބޭފުޅުންނަށް އޮންލައިންކޮށް ރީރެޖިސްޓަރ ކުރެވޭނެ ގޮތެއް މިފަހަރަކު ހަމައެއް ނުޖެއްސުނު، ވަރަށް ބޮޑަށް މަޢާފަށްއެދެން" ފުއާދު ވިދާޅުވެފައިވެއެވެ.

ސެޕްޓެމްބަރު 9 ވަނަ ދުވަހު އޮންނަ ރިޔާސީ އިންތިހާބުގައި ރަޖިސްޓަރީވެފައިވާ ރަށް ނޫން އެހެން ތަނެއްގައި ވޯޓުލުމަށްޓަކައި ރީރެޖިސްޓަރވުމުގެ ފުރުސަތު އާންމުކޮށް ހުޅުވާލީ މި މަހުގެ 16 ގަ އެވެ. އެ ފުރުސަތު ބަންދުވާނީ އަންނަ މަހުގެ ފަސްވަނަ ދުވަހު އެވެ. ނަމަވެސް އޮންލައިންކޮށް ރީރަޖިސްޓަރ ކުރެވޭނީ މި މަހުގެ 29 އާ ހަމައަށެވެ.