މި ސަރުކާރުން 2.7 ބިލިއަން ޑޮލަރުން އިންޑިއާއަށް ދިވެހި ރައްޔިތުން ދަރުވާލާފައިވާކަމަށް ކުރީގެ އިކޮނޮމިކް މިނިސްޓަރު އަދި މަޖިލީހުގެ މާވަށު ދާއިރާގެ މެމްބަރު މުޙައްމަދު ސައީދު ވިދާޅުވެއްޖެ އެވެ. 

ސައީދު މި ތަފްސީލުތައް ހާމަކުރައްވާފައިވަނީ އަންގާރަ ދުވަހުގެ ރޭ ޕީޕީއެމް އޮފީހުގައި ބޭއްވި ޖަގަހަ ޖަލްސާގައި ވާހަކަދައްކަވަމުން ނެވެ. 

- އެފްކޯން އިންފްރާސްޓްރަކްޗާއާއި ހަވާލުކޮށްގެން ތިލަމާލޭގައި ބްރިޖު އެޅުމަށް 500 މިލިއަން ޑޮލަރު

-ޖޭއެމްސީ ޕވޓ ލޓޑ އާއި ހަވާލުކޮށްގެން ހަނިމާދޫ އެއާޕޯޓު އެޅުމަށް 137 މިލިއަން ޑޮލަރު 

-ޖޭއެމްސީ ޕްރޮޖެކްޓްސް ކިޔާ ބަޔަކަށް 200 ސޯޝަލް ހައުސިން އަޅަން 137 މިލިއަން ޑޮލަރު

-ރެނާޓަސް އަށް އެކްސްޕޭންޑް އެންޑް އަޕްގްރޭޑް އިންފްރާސްޓްރަކްޝާ އޮގް ގަން އިންޓަނޭޝަނަލް އެއާޕޯޓު މަޝްރޫއަށް 29 މިލިއަން ޑޮލަރު

-އަސޯކާ ބިލްޑިން އަށް 2000 ސޯޝަލް ހައުސިން ޔުނިޓުއަޅަން 140 މިލިއަން ޑޮލަރު

-އޭބީއެލް އިންދްރަޖީވް ކިޔާ ކުންފުންޏަކަށް ފުލުހުންގެ މަރުކަޒެއް އަޅަން 148 މިލިއަން ޑޮލަރު

-ޓެލެކޮމިއުނިކޭޝަން ކޮންސަންޓަންޓު ކިޔާ ބަޔަކަށް ހޮސްޕިޓަލު އަޅަން 57 މިލިއަން ޑޮލަރު

-ރެއިލް ވިކާސް ނިގަމް ކިޔާ ކުންފުންޏަކަށް އުތުރުތިލަފަޅުގައި އަސްކަރީ މަރުކަޒު އަޅަން 186 މިލިއަން ޑޮލަރު

-އެލްއެންޓީ އިންފްރާސްޓްރަކްޗާ އިންޖިނިއަރިން ކިޔާ ބަޔަކަށް ޕްރޮޖެކްޓު މެނޭޖުމަންޓު އެންޑް ކޮންސަލްޓެންސީ އިން އައްޑޫ ކިޔާފައި 800 މިލިއަން ޑޮލަރު

-ޖޭއެމްސީ ޕްރޮޖެކްޓު ވޯޓާ ސަޕްލައި މަސައްކަތްތަކެއް ކުރަން (ފެނާއި ނަރުދަމާ) 800 މިލިއަން ޑޮލަރު

-މޯހަން މުތާ އަށް ނަރުދަމާ އަޅަން 1.35 މިލިއަން ޑޮލަރު

-މޯހަން މުތާއަށް ނަރުދަމާ އަޅަން 1.57 މިލިއަން ޑޮލަރު

-މޯހަން މުތާއަށް ނަރުދަމާ އަޅަން 2.29 މިލިއަން ޑޮލަރު

ރައީސް ޞާލިހާއި އިންޑިއާގެ ބޮޑުވަޒީރު ނަރެންދްރަ މޯދީ

ސައީދު ވިދާޅުވި ގޮތުގައި މި ހުރިހާ ލޯނުތަކެއް ނަގާފައިވަނީ އިންޑިއާގެ އެގްޒިމް ބޭންކުން ކަމަށެވެ. އަދި އިންޑިއާއިން ނެގި ލޯނުތަކުގެ ޖުމްލަ އަދަދު 2.7 ބިލިއަން ރުފިޔާއަށް އަރާކަމަށް ސައީދު ވިދާޅުވި އެވެ. 

އޭނާ ވިދާޅުވި ގޮތުގައި ރައީސް ޞާލިހުގެ ސަރުކާރުން ވަނީ ކުރީގެ ރައީސުންނާއި ރަސްރަސްކަލުންގެ ވެރިކަންތަކާއި ލައިގެން ވެސް ގިނިކަންޏާއި އެއްވެސް ރައީސަކު ނުނަގާވަރަށް ލޯނު ނަގާ ރާއްޖޭގެ ދަރަނި އިތުރުކޮށްފަ އެވެ.

އެހާ ބޮޑެތި ލޯނުތައް ނަގައިގެން ވެސް މި ސަރުކާރަށް އިޤްތިޞާދަށް ފައިދާ އިތުރުކުރެވޭނެ އެއްވެސް މަސައްކަތެއް ކުރެވިފައި ނުވާކަމަށް ސައީދުގެ ވާހަކައިގައި ވަނީ ވިދާޅުވެފަ އެވެ.