ފަލަސްޠީނުގެ ބިމަށް ނުހައްޤުން އަރައިގަނެ ފަލަސްޠީނުގެ ބިން ފޭރިގަތުމަށް މަސައްކަތްކުރާ އިޒްރާއިލް ސިފައިން ފަލަސްޠީނުގެ ހުޅަނގިއައްސޭރީގައި އޮންނަ ނާބުލުސްގައި ހަމަލާތައް ދޭން ފަށައިފިއެވެ.
ފަލަސްޠީނުގެ ހެލްތް މިނިސްޓްރީ އާއި ރެޑް ކޮރްސެންޓުން ބުނެފައިފައިވަނީ މިއަދު އިޒްރާއިލް ސިފައިން ދިން ހަމަލާތަކުގެ ސަބަބުބް އެކަކު ޝަހީދުވެ އިތުރު ހަތަރު މީހަކަށް އަނިޔާވެފައިވާ ކަމަށެވެ. އަދި އޭގެ ތެރެއިން ދެމީހެއްގެ ޚާލު ވަރަށް ގޯސްކަމަށް އަލްޖަޒީރާގައި ވަނީ ބުނެފައެވެ.
އިޒްރާއިލްގެ ޙަމަލާތަކުގައި ޝަހީދުވިމީހާ ޝަހީދު ވެފައިވަނީ އިޒްރާއިލް ސިފައިން ބަޑިޖެހުމުގެ ސަބަބުންނެވެ. އަދި އަނިޔާވި ހަތަރު މީހުންގެ ގަޔަށްވެސް ވަނީ ވަޒަން އަރައިފައި ކަމަށް އަލްޖަޒީރާގައި ބުނެފައިވެއެވެ.
ހެލްތް މިނިސްޓްރީ އިން ބުނެފައިވަނީ ހަމަލާތަކުގައި ޝަހީދުވިމީހާ ޝަހީދުވެފައިވަނީ ރޭގެ ފަތިސްވުމުގެ ކުރިން ކަމަށެވެ.
ފަލަސްޠީނުގެ ދިފާޢުގައި ހަނގުރާމަ ކުރާ ފަރާތްތަކުން ބުނެފައިވަނީ ނާބުކުސް ދިފާޢު ކުރުމަށް އެމީހުން އިޒްރާއިލް ސިފައިންނާއި ކުރިމަތިލަމުންދާ ކަމަށްވަނީ ބުނެފައެވެ. އެފަރާތްތަކުން ބުނެފައިވަނީ ޖޯސެފްސް ތޮމްބް އޭ ކިޔަ ސަރަހައްދަށް އަރައިގަނެފައިވާ އިޒްރާއިލް ސިފައިންނާއި އިޒްރާއިލްގެ ޢާންމުންނާއި އެމީހުން ކުރިމަތިލަމުންދާކަމަށެވެ.
މިހަމަލާތަކާއި ގުޅިގެން އިޒްރާއިލް ސިފައިން އަދި އެއްޗެއްބުނެފައެއް ނުވެއެވެ.
މިމަހުގެ ކުރީކޮޅުވެސް އިޒްރާއިލް ސިފައިންވަނީ ފަލަސްޠީނުގެ ޖެނީން އަށް ވަދެ އެތަނުގައި ހުންނަ ރެފިޔުޖީ ކޭމްޕަށް އަމާޒުވާ ގޮތައް ހަމަލާތަކެއ ދީފައެވެ. މިޙަމަލާތަކުގެ ސަބަބުން ފަލަސްޠީނުގެ 12 މީހަކު ޝަހީދުވެ 100 އެއްހާ މީހުން ވަނީ ޒަހަމްވެފައެވެ.
އަދި ހަމަލާތަކުގެ ސަބަބުން ސަލާމަތްވުމަށް ގެދޮރު ދޫކޮށް ދިޔަ އެތައް ބައެއްގެ ގެތައް ހަލާކުވެ ބޯހިޔާވަހިކަން ވަނީ ގެއްލިފައެވެ.
Advertisement
This content is created and paid for by advertisers and does not involve Voice Journalists
