ވާދަވެރި ސިޔާސީ ލީޑަރު ރައީސް އަބްދުالله ޔާމީން އަބްދުލްގައްޔޫމު މިނިވަންކުރުމަށް ގޮވާލާ އިދިކޮޅު ކޯލިޝަންގެ ލީޑަރުން ޖުމްހޫރީ މައިދާނުގައި އިށީނދެ އިހުތިޖާޖުކޮށްފޮ އެވެ. 

ވާދަވެރި ސިޔާސީ ލީޑަރު ރައީސް އަބްދުالله ޔާމީން އަބްދުލްގައްޔޫމުގެ މައްޗަށް މިދިޔަ ޑިސެމްބަރު މަހުގެ 25 ގައި ކްރިމިނަލް ކޯޓުން ކުރި ހުކުމް އެމަނިކުފާނުގެ ފަރާތްޕުޅުން ހައިކޯޓުގައި އިސްތިއުނާފުކޮށްފައިވާ މައްސަލަ މަޑުޖެހިފައި އޮތުމާއި ގުޅިގެން އިދިކޮޅުގެ އޮތް ކަންބޮޑުވުންތަކާއެކު މިއަދުވެސް އިދިކޮޅު ލީޑަރުން ވަނީ ހައިކޯޓަށް ވަޑައިގެންފަ އެވެ. 

އެހެން ނަމަވެސް މިއަދުވެސް ހައިކޯޓުން އެ މައްސަލައިގެ އަޑުއެހުމެއް ދެން ތާވަލުކުރާނެ ދުވަހަކާއި ގުޅޭ މައުލޫމާތެއް ހިއްސާކޮށްފަ އެއް ނުވެއެވެ. 

Advertisement

ހައިކޯޓު ސަރަހައްދުގައި ތިބުމަށްފަހު އެފަހުން އިދިކޮޅު ލީޑަރުން ވަނީ ޖުމްހޫރީ މައިދާނަށް އެއްވެފައެވެ. އަދި އެތަނުގައި އިށީނދެގެން ތިބެ ރައީސް ޔާމިން މިނިވަންކުރުމަށް ގޮވާލާ އިހުތިޖާޖުކުރަން ފަށާފައެވެ. 

އިދިކޮޅު ލީޑަޝިޕްގެ ބައެއް ބޭފުޅުންގެ އިތުރުން ޕީޕީއެމަށް ނިސްބަތްވާ ބައެއް މަޖިލީސް މެމްބަރުން ވެސް ވަނީ ޖުމްހޫރީ މައިދާނަށް އެއްވެފައެވެ. 

އިދިކޮޅު ލީޑަރުން ބުނީ ރައީސް ޔާމިނުގެ އިސްތިއުނާފު މައްސަލަ ހައިކޯތުގައި ތާވަލުކުރަން ދެން އެ ބޭފުޅުން ކޮންމެ ދުވަހަކުވެސް އެ އިހުތިޖާޖު ކުރާނެ ކަމަށެވެ. އަދި ހައިކޯޓު ހުޅުވާފައި ހުންނަ ދުވަސްތަކުގައި އެ ކޯޓަށް ވަޑައިގެން ވެސް މައުލޫމާތު ހޯދުމަށް މަސައްކަތް ކުރަމުންދާނެ ކަމަށެވެ. 

ރައީސް ޔާމިނުގެ މައްސަލައަށް ނުފޫޒު ފޯރުވައިގެން އެ މައްސަލަ މަޑުޖައްސާފައި ނުބޭއްވޭނެ ކަމަށާއި، އަދި އެފަދައިން އެކަން ކުރާނަމަ ރައީސް ޞާލިހަށްވެސް ފަސޭހަފުޅު ކެމްޕޭނެއް ނުކުރެވޭނެކަމަށް އިދިކޮޅު ލީޑަރުން ވިދާޅުވި އެވެ. 

ޖުމްހޫރީ މައިދާނުގައި އިދިކޮޅު ލީޑަރުން ކުރަމުންދިޔަ އިހުތިޖާޖަށް ފުލުހުން ވަނީ ހުރަސްއަޅާ، އޭގެ ތެރެއިން ބައެއް ލީޑަރުން ހައްޔަރުކޮށްފަ އެވެ.