މިހާރު ކުރިއަށްދާ އަންހެނުންގެ ވޯލްޑްކަޕް ފުޓުބޯޅަ މުބާރާތުގެ ގުރޫޕް އެފްގައި މިއަދު ފުރާންސް އާއި ޖެމެއިކާ ވާދަކުރި މެޗު ދެޓީމުންކުރެ އެއްވެސް ޓީމަކަށް ލަނޑެއް ކާމިޔާބު ނުކުރެވި އެއްވަރުވެގެން ނިމިއްޖެއެވެ.

މި މެޗުގެ ފުރަތަަމަ ހާފުގައި ގިނަވަގުތު ބޯޅަ ހިފަހައްޓައިގެން މެޗު ޑޮމިނޭޓުކުރި ފްރާންސް އިންނެވެ. އެގޮތުން މިހާފުގައި އެޓީމުން ޖެމެއިކާގެ ގޯލަށް ފޮނުވާލި ފަސް ހަމަލާގެ ތެރެއިިން ތިން ހަމަލާއެއް ގޯލާއި އަމާޒުވިއިރު، ޖެމެއިކާ އަށް މިހާފުގައި ފްރާންސްގެ ގޯލާއި އަމާޒުކޮށް އެންމެ ހަމަލާއެއް ވެސް ފޮނުވާލެވިފައެއް ނުވެއެވެ.

މިހާފުގައި ފްރާންސް އިން ލަނޑުޖަހާނެ ރަގަޅު ފުރުސަތުތަކެއް ތަނަވަސްކުރި ނަމަވެސް ފުރަތަަމަ ހާފުގެ ކުޅުން ނިމިގެންދިޔައީ ދެޓީމުންކުރެ އެއްވެސް ޓީމަކަށް ލަނޑެއް ކާމިޔާބު ނުކުރެވި 0-0 ގެ ނަތީޖާއަކުން ދެޓީމް އެއްވަރުވެފައި އޮވެގެންނެވެ.

މެޗުގެ ދެވަަނަ ހާފުގައި ފުރާންސް އިން އެޓީމުގެ އެޓޭކުތައް އިތުރަށް ވަރުގަދަކުރިއިރު، މިހާފުގައި އެޓީމުން ޖެމެއިކާގެ ގޯލަށް ފިނުވާލި 8 ހަމަލާގެ ތެރެއިިން ގޯލާއި އަމާޒުވެފައި ވަނީ ދެ ހަމަލާއެކެވެ. އަދި މިހާފުގައި ޖެމެއިކާ އިން ވެސް ވަނީ ކައުންޓާ އެޓޭކުގައި ދޭތެރެ ދޭތެރެއިން ފްރާންސްގެ ގޯލަށް ނުރައްކާ ކޮށްފައެވެ. އެގޮތުން މި ހާފުގައި އެޓީމުން ފުރަންސްގެ ގޯލަށް ފޮނުވާލި ހަތަރު ހަމަލާގެ ތެރެއިިން ދެ ހަމަލާއެއް ގޯލާއި އަމާޒުވީ ނަމަވެސް މެޗުގެ ކުޅުން ނިމިގެންދިޔައީ ދެޓީމުންކުރެ އެއްވެސް ޓީމަކަށް ލަނޑެއް ކާމިޔާބު ނުކުރެވި 0-0 ގެ ނަތީޖާއަކުން ދެޓީމް އެއްވަރުވެފައި އޮވެގެންނެވެ.

މި މެޗުން ދެޓީމަށް ވެސް އެއް ޕޮއިންޓް ލިބިފައިވާއިރު، މި ގުރޫޕްގައި ދެން ހިމެނެނީ ޕެނަމާ އާއި ބްރެޒިލް އެވެ.