ކުލަބު ޖީއެސްގެ ފަރާތުން އިންތިޒާމްކޮށްގެން ހއ.ހޯރަފުށީ މިއަހަރުގެ ޑިސެމްބަރު 20 ގައި ފެށުމަށް ހަމަޖެހިފައިވާ 2 ވަނަ ޖީއެސް ވޮލީބޯޅަ ޓޯނަމަންޓުގެ މީޑިއާ ޕާޓްނަރަކަށް ވޮއިސް ހަމަޖައްސައިފި އެވެ.

މީޑިއާ ޕާޓްނަރާއެކު ބޭއްވި ސޮއި ކުރުމުގެ ރަސްމިއްޔާތުގައި ކުލަބު ޖީއެސްގެ ފަރާތުން ސޮއިކުރެއްވީ ކުލަބުގެ ރައީސް ނާސިހު ޖައުފަރު އެވެ. އަދި ވޮއިސްގެ ފަރާތުން ސޮއިކުރެއްވީ ސީއީއޯ މުހައްމަދު ސައުޒަމް އެވެ.

މި މުބާރާތާއި ބެހޭގޮތުން ވޮއިސް އަށް މައުލޫމާތު ދެމުން ކުލަބުގެ މެމްބަރު މުއްސަދު އަސްލަމް ބުނީ މިއީ ހޯރަފުށީގައި ވޮލީބޯޅަ ދިރުވައި އާލާކުރުމުގެ އިތުރުން ރަށުގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ މަގުސަދުގައި 2021 ވަނަ އަހަރު އެ ކުލަބުން ބާއްވަން ފެށި މުބާރާތެއް ކަމަށެވެ.

އެކި ސަބަބުތަކާއި ހުރެ މިދިޔައަހަރު މުބާރާތް ނުބޭއްވި ދިޔައީ، ނަމަވެސް މި ފަހަރު މި މަސައްކަތް ކުރަނީ ހުރިހާ ގޮތަކުން ވެސް ކުރީ މުބާރާތަށް ވުރެ ފެންވަރު ރަގަޅު މުބާރާތެއް ބޭއްވޭތޯ. އެގޮތުން ފުރަތަަމަ މުބާރާތުގައި ޗެމްޕިއަންކަން ޓީމަށް 10,000 ރުފިޔާ ގެ ފައިސާގެ އިނާމެއް ހުށަހަޅާފައިވާއިރު، މި އަހަރު އެ އަދަދު މިވަނީ 25,000 ރުފިޔާ އަށް ބޮޑުކޮށްފައެވެ. އަދި ރަނަރަޕް ޓީމަށް މި އަހަރު ވަނީ 10,000 ރުފިޔާ ހުށަހަޅާފައެވެ.

އިތުރަށް ވާހަކަ ދައްކަމުން މުއްސަދު ބުނީ މި މުބާރާތުގައި ހއ.ހޯރަފުށީގައި ހަރަކާތެރިވާ ކުލަބު ޖަމިއްޔާތަކާއި ސަރުކާރުގެ އޮފީސްތަކާއި، ސަރުކާރު ހިއްސާވާ ކުންފުނިތަކުގެ އިތުރުން އަމިއްލަ ކުންފުނިތަކާއި އަމިއްލަ ވިޔަފާރިތަކަށް ބައިވެރިވުމުގެ ފުރުސަތު އޮނާނެއެވެ.

2021 ވަނަ އަހަރު ބޭއްވުނު ޖީއެސް ވޮލީބޯޅަ މުބާރާތުގައި ހަތަރު ޓީމު ބައިވެރިވިއިރު، މުބާރާތުގެ ޗެމްޕިއަންކަން ހޯދީ ޕޮލިސް ޓީމެވެ.

މުބާރާތުގެ މުހިންމު ސުންގަޑިތައް:

2023 ސެޕްޓެމްބަރު 3 : ރަޖިސްޓަރީވުމަށް ހުޅުވާލުން

2023 އޮކްޓޯބަރު 1 : ރަޖިސްޓްރޭޝަނަށް ފޯމު ހުށަހެޅުމުގެ ފަހު ދުވަސް ( މި ދުވަހުގެ މެންދުރުފަހު 14:00ގެ ނިޔަލަށް)

2023 ނޮވެމްބަރު 1 : ޓީމު ލިސްޓް ހުށަހެޅުމަށް ހުޅުވާލުން

2023 ޑިސެމްބަރު 14 : ޓީމު ލިސްޓް ހުށަހެޅުމުގެ ފަހު ދުވަސް ( މި ދުވަހުގެ މެންދުރުފަހު 14:00ގެ ނިޔަލަށް)