ނިއުޒިލޭންޑާއި އޮސްޓްރޭލިޔާގައި މިހާރު ކުރިއަށްދާ އަންހެނުންގެ ވޯލްޑްކަޕް ފުޓުބޯޅަ މުބާރާތުގެ ގުރޫޕް އޭގައި މިއަދު ހެނދުނު ކުޅެވުނު ދެވަނަ މެޗުގައި ގްރޫޕް އޭގެ ފިލިޕީންސް އާއި ނިއުޒިލޭންޑް ވާދަކުރި މެޗު 1-0 ގެ ނަތީޖާއަކުން ފިލިޕީންސް ކާމިޔާބުކޮށްފިއެވެ.

މުބާރާތުގައި އަލަށް ވާދަކުރަމުން އަންނަ ފިލިޕީންސް އިން މުބާރާތް ބާއްވާ އެއް ގައުމު ކަމަށްވާ ނިއުޒިލޭންޑްގެ އުންމީދުތަކަށް ހުރަސް އެޅިއިރު، މި މެޗުން މޮޅުވި ނަމަ މުވާރާތުގެ ދެވަނަ ބުރުގެ ފުރުސަތު ނިއުޒިލޭންޑަށް ލިބިގެން ދާނެއެވެ.

ދެޓީމުގެ ފަރާތުން ފޯރިގަދަ ކުޅުމެއް ފެނިގެންދިޔަ މިމެޗުގައި ފުރަތަމަ ހާފުގައި ނިއުޒިލޭންޑުން ލަނޑުޖަހާނެ ރަގަޅު ފުރުސަތުތަކެއް ތަނަވަސްކުރި ނަމަވެސް، މި މެޗުގައި ފިލިޕީންސް އިން އުފެއްދި ނުރައްކާތެރި ފުރަތަމަ ހަމަލާގައި އެޓީމުން ލަނޑެއް ކާމިޔާބުކޮށް މެޗުގެ ލީޑު ހޯދިއެވެ.

މި ލަނޑު ފުރަތަމަ ހާފުގެ 24 ވަނަ މިނެޓުގައި ކާމިޔާބުކޮށްދިނީ އެޓީމުގެ މިޑްފިލްޑަރު ސަރީނާ ބޯލްޑެން އެވެ. މިއީ އެޓީމުގެ ސާރާ އެގެސްވިކް ގޯލު ކުރިމައްޗަށް ހުރަސްކޮށްދިން ބޯޅައެއް ނިއުޒިލޭންޑުގެ ގޯލު އޭރިޔާ ތެރެއިން ބޮލުން ގޯލުގެ ތެރެއަށް ފޮނުވާލައިގެން އޭނާ ކާމިޔާބުކޮށްދިން ލަނޑެކެވެ. މިއީ ފިލިޕީންސްގެ ތާރީޚުގައި ވޯލްޑް ކަޕް ފުޓްބޯޅަ މުބާރާތެއްގައި އެޓީމުން ކާމިޔާބުކުރި ފުރަތަަމަ ލަނޑެވެ.

މި ލަނޑާއެކު ފުރަތަަމަ ހާފުގެ ކުޅުން ނިމިގެންދިޔައީ 1-0 ގެ ނަތީޖާއަކުން ފިލިޕީންސް ކުރީގައި އޮވެގެންނެވެ.

މެޗުގެ ދެވަަނަ ހާފުގައި ނިއުޒިލޭންޑުން ކުރިއަށްޖެހި ލަނޑެއްޖެހޭތޯ ވަރަށް މަސައްކަތް ކުރި ނަމަވެސް، ފިލިޕީންސްގެ ކުޅުންތެރިން ވަނީ ރޭވުންތެރިކަމާއެކު އެޓީމުގެ ހަމަލާތައް ދިފާއުކުރުމުގައި މޮޮޅު ކުޅުމެއް ދައްކާފައެވެ. މިއާއެކު މެޗުގެ ކުޅުން ނިމިގެންދިޔައީ 1-0 ގެ ނަތީޖާއަކުން ފިލިޕީންސް ކުރީގައި އޮވެގެންނެވެ.

މި މޮޅާއެކު ދެވަނަ ބުރަށް ދިއުމުގެ ފުރުސަތު މިގުރޫޕްގެ ހަތަރު ޓީމަށް ވެސް ހުޅުވިގެން ދިޔައިރު، މި ވަގުތު މި ގްރޫޕްގެ އެއްވަނައިގައި އޮތީ ދެ މެޗުން ހަތަރު ޕޮއިންޓާއެކު ސްވިޒަލޭންޑް އެވެ. ދެވަނަގައި އޮތް ނިއުޒިލޭންޑް އައި ތިންވަނައިގައި އޮތް ފިލިޕީންސް އަށް ކޮންމެ ޓީމަކަށް ތިން ޕޮއިންޓް ލިބިފައިވާއިރު މި ގުރޫޕްގެ ފުލުގައި އޮތީ އެއް ޕޮއިންޓާއެކު އޮތް ނޯވޭއެވެ.