‏ރާއްޖޭގެ ކުރީގެ ރައީސުލްޖުމްހޫރިއްޔާ، މަރުހޫމް އިބްރާހީމް ނާޞިރުގެ މަސައްކަތްޕުޅުން ނަގައިދޭ ފިލާވަޅަކީ ދިވެހީން ކަންކަމުގައި ބާރުވެރިވެ ކުރިއަރައިދިއުން ކަމަށް މާވަށު ދާއިރާގެ މެންބަރު މުހައްމަދު ސަޢީދު ވިދާޅުވެއްޖެއެވެ. 

ދިވެހިރާއްޖޭގެ މިނިވަންކަމަށް 58 އަހަރު ފުރޭ 59ވަނަ މިނިވަން ދުވަހުގެ ތަޙުނިޔާ އަރިސް ކުރައްވައި ސައީދު ކުރެއްވި ޓުވީޓެއްގައި ވަނީ މިއަދު މި ފާހަގަ ކުރަމުންދާ މިނިވަން ދުވަސް ދިވެހިންނަށް ހޯދައިދެއްވި ކުރީގެ ރައީސް ނާސިރުގެ މަސައްކަތްޕުޅުން ނަގައިދޭ ފިލާވަޅުތައް ހާމަކޮށްދެއްވާފައެވެ. 

ޕީއެންސީގެ ނާއިބު ރައީސް މުހައްމަދު ސައީދު: ފޮޓޯ/ ވޮއިސް 

މިއާއެކު ސައީދު ވިދާޅުވީ، ޤައުމުގެވެރިކަން ހިޔާނާތްތެރިންގެ އަތްމައްޗަށް ދިއުމަށްވުރެ ވަކީން ބޮޑުބިރެއް އަދި ނުރައްކަލެއް ނެތްކަން އަދު ކިތައްމެ ރަނގަޅަކަށްވެސް އެނގެމުން ދާ ކަމަށެވެ. 

ސަޢީދު ވިދާޅުވީ، މަރްޙޫމް ނާސިރު ފަދަ ކޮންމެ ޤައުމީބަޠޮލެއް ވެފައިވާ ޤުރުބާނީ އެއީ ހަދާންނައްތާލެވޭނެ ކަމެއްނޫން ކަމަށެވެ.

ސައީދު އިތުރަށް ވިދާޅުވީ އިދިކޮޅު ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމަށް އިންސާފު ލިބި 2023ގައި ރައްޔިތުން މިނިވަންކަމާއި އެކު ބަސްބުނުމަށް ފުރުސަތު ދޭންޖެހޭ ކަމަށެވެ. އަދި އެކަމުގައި ދައުލަތުގެ އެއްވެސްބާރެއް އިޙްމާލުވުމަކީ ކޮއްގެންވާނެ ކަމެއްނޫން ކަމަށްވެސް ބުނެފައިވެއެވެ.

އެހެނީ ރައީސް ޔާމީނަށް އިންސާފު ލިބުމުގައި އިހުމާލު ވެއްޖެނަމަ، އޭގެ ފައިދާ ނަގާނީ ދިވެހީން މިނިވަން ދައުލަތެއްގެ ގޮތުގައި އޮތުމަށް ބޭނުންނުވާ ހީލަތްތެރީން ކަމަށް ސައީދު ވިދާޅުވި އެވެ.