ދައުލަތުގެ ބަޖެޓުން ހަރަދުކޮށްގެން ހއ ދިއްދޫގައި ތަރައްޤީކުރި ވޮލީކޯޓް ރަސްމީކޮށް ރޭ ހުޅުވައިފިއެވެ.
މިކަމަށްޓަކައި ބެއްވި ރަސްމިއްޔާތުގައި އެމްޓީސީސީން ހެދި އެ ދަނޑު ހުޅުވައިދެއްވީ، މިނިސްޓަރ އޮފް ޔޫތް އެމްޕަވަމަންޓް، ސްޕޯޓްސް، އެންޑް ފިޓްނަސް އަބްދުﷲ ރާފިއުއެވެ. މި ރަސްމިއްޔާތުގައި ރައްޔިތުންގެ މަޖިލީހުގެ ދިއްދޫ ދާއިރާގެ މެންބަރު އަބްދުލް ލަތީފު މުހައްމަދާއި، އެމްޓީސީސީގެ ޑެޕިއުޓީ މެނޭޖިން ޑިރެކްޓަރު އަހުމަދު މުބީނާއި، ދިއްދޫ ކައުންސިލް މެންބަރުންނާއި ސަރުކާރު އިދާރާތަކުގެ އިސް ވެރިން ބައިވެރިވެވަޑައިގެންނެވިއެވެ.
ކޯޓު ހުޅުވުމުގެ ރަސްމިއްޔާތު ތެރެއިން
އާބާދީގައި 4,186 މީހުން ދިރިއުޅެމުންދާ ހއ ދިއްދޫގައި ވޮލީ ކޯޓެއް ގާއިމުކުރުމަކީ އެ ރަށުގެ ރައްޔިތުންގެ ޒަމާންވީ އުންމީދެއް ކަމަށް އެމްޓީސީސީން ނެރުނު ބަޔާނުގައި ވަނީ ބުނެފައެވެ. އެ ކޯޓު ހުޅުވުމާއެކު ދިއްދޫ ޒުވާނުންނަށް ވޮލީގައި ކުރިއެރުން ހޯދުމުގެ ފުރުސަތު ފަހިވެ، ރަށަށް އިޖުތިމާއީ ގޮތުން ކުރިއެރުންތަކެއް ލިބޭނެ ކަމަށް އެމްޓީސީސީން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
