ހަޤީޤީ މިނިވަންކަމަކަށް ވާނީ ރާއްޖޭގައި ސޫޓު ފަޓުލޫނުލުމާއި ޓައީ އެޅުމުން މިނިވަންވުމުން ކަމަށް އިކޮނޮމިކް މިނިސްޓަރު ފައްޔާޒް އިސްމާއީލް ވިދާޅުވެއްޖެއެވެ.
މިނިވަން ދުވަހުގެ މުނާޞަބަތުގައި ފައްޔާޒު ކުރެއްވި ޓްވީޓެއްގައި އޭނާ ވަނީ ރާއްޖޭގެ ހުނަރުވެރި ޑިޒައިނަރުން މެދުވެރިކޮށް ރާއްޖޭގެ ސަޤާފަތާއި ގުޅޭ، ރަނގަޅު ހެދުންތަކެއް ޑިޒައިން ކުރާނެ ކަމަށް އުންމީދުކުރައްވާ ކަމަށް ވިދާޅުވެފައެވެ. އަދި އެފަދަ މުބާރާތެއް ބޭއްވުން ކިހިނެތްވާނެތޯ ވެސް ވަނީ ސުވާލުކުރައްވާފައެވެ.
"ހަގީގީ މިނިވަންކަމަށް ވާނީ، ރާއްޖޭގައި ސޫޓާއި ޓައީ އެޅުމުން މިނިވަން ވުމުން". ފައްޔާޒު ވިދާޅުވި އެވެ.
ބީސީސީ ޓެގް ކުރައްވައި ރާއްޖޭގެ ސަޤާފަތާއި ގުޅޭ، ރަނގަޅު ހެދުންތަކެއް ޑިޒައިން ކުރުމަށް ފައްޔާޒު އެދިފައި ވާއިރު، މިނިސްޓްރީ އޮފް އިކޮނޮމިކް ޑިވެލޮޕްމެންޓްގެ އިސްނެންގެވުމާއެކު ބީސީސީގެ ފަރާތުން ހިންގި އަދަބީ ޢީދު ތާނަވާ 2023 ގެ ތެރެއިން މަޝްހޫރު ޑިޒައިނަރު ހަސަން ފަރުމާކޮށްފައިވާ ދިވެހި ޘަގާފީ ހެދުންތައް ވަނީ ދައްކާލާފައެވެ.
ރާއްޖޭގައި ރީތި ސަގާފީ ހެދުން ފަރުމާ ކުރާ މީހުން ތިބި އިރުވެސް ރަސްމީ ހަފްލާ ތަކުގައި ގިނަ މީހުން ލައި އުޅެނީ ސޫޓު ފަޓުލޫނެވެ.
Advertisement
This content is created and paid for by advertisers and does not involve Voice Journalists
