ބޭހުގެ އަގު ކޮންޓްރޯލް ނުކުރެވުނު ބަޔަކަށް ބޭހުގެ ފެންވަރު ވެސް ޔަޤީން ނުކުރެވޭނެ ކަމަށް ކެންދޫ ދާއިރާގެ މެމްބަރު ޢަލީ ހުސެއިން ވިދާޅުވެއްޖެއެވެ.
ޢަލީ މިހެން ވިދާޅުވީ ރާއްޖޭގެ ސިއްޚީ ނިޒާމާއި މެދު ލިޔެފައިވާ ލިޔުމެއް ޓްވިޓަރ ގައި ޚިއްސާ ކުރައްވަމުން ކުރައްވާފައިވާ ޓްވީޓެއްގައެވެ. ޢަލީ ވިދާޅުވީ ބޭހުގެ އަގު ކޮންޓްރޯލު ނުކުރެވުނު ސަރުކާރަކަށް ބޭހުގެ ފެންވަރުވެސް ޔަގީނެއް ނުކުރެވޭނެ ކަމަށެވެ. އަދި ސަރުކާރު އޮތީ ސިއްހީ ދާއިރާގެ ވިޔަފާރި ކުރާ މީހުންގެވެސް ދަށުވެފައި ކަމަށްވެސް އޭނާ ވިދާޅުވިއެވެ.
"ހުރިހައި ހިންމިތަކުން ދިޔައަރަނީ، ހުންގާނު ހިފަނީ އެހެންބަޔެއް. ކެޔޮޅު އުޅެނީ ފޮޓޯ ނެގުމުގައި" ޢަލީގެ ޓުވީޓުގައި ވިދާޅުވެފައިވެއެވެ.
މިފަދައިން ޢަލީ ހުސެއިން ވިދާޅުވެފައި ވާއިރު ރާއްޖޭގެ ސިއްޚީ ނިޒާމު ވަނީ ބޮއްސުން ލައިފައި ކަމަށް އިދިކޮޅު ފަރާތްތަކުން އަންނަނީ ބުނަމުންނެވެ. މީގެ އިތުރުން އާސަންދަ ބަޖެޓް ހުސްވެ އިތުރަށް ޚަރަދު ކުރަން ޖެހިފައިވާ ކަމަށްވެސް ބުނަމުންދެއެވެ.
ބަލިމީހުންނަށް ބޭނުންވާ ގިނަ ބޭސް އާސަދައިން ނުލިބުމާ، ގިނަ ބޭަސްތައް ރާއްޖެއިން ނުލިބޭ ވާހަކަ އަކީ އަބަދުވެސް ދެކެވޭ ވާހަކަތަކެކެވެ.
ދާދިފަހަކުންވެސް ތެލެސީމިޔާ ކުދިން އަބަދުހެން ބޭނުންކުރަންޖެހޭ ބޭހެއް މާލެއިން ނުލިބިގެން ގިނަ ބަޔަކުގެ ކަންބޮޑުވުންތައް ސޯޝަލް މީޑިއާގައި ވަނީ ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
