އިއްޔެވެސް އިޒްރާއިލް ފަލަސްޠީނުގެ 14 އަހަރުގެ ކުއްޖަކު ޝަހީދުކޮށްލައިފިއެވެ.
ޢަރަބް ނިއުސްގައި ބުނެފައިވަނީ 14 އަހަރުގެ ފާރިސް ޝަރްހަބިލް އަބޫ ސަމްރާ ޝަހީދު ކޮށްލައިފައިވަނީ ފަލަސްޠީނުގެ ހުޅަނގު އައްސޭރީގެ އަވަށެއް ކަމަށްވާ ޤަލްޤިއްޔާގައި ކުރިއަށް ދިޔަ އެއްވުމެއްގެ ތެރެއިން ކަމަށެވެ.
އަދި އޭނާ ޝަހީދުވެފައިވަނީ އިޒްރާއިލް ސިފައިން ދިން ބަޑީގެ ހަމަލާތަކުގެ ސަބަބުން ކަމަށް އެނޫހުގައި ހާމަކޮށްފައިވެއެވެ. ފަލަސްޠީނުގެ ނޫސްތަކުން ބުނެފައިވަނީ ފާރިސް ޝަހީދުވީ އިޒްރާއިލް ސިފައިންގެ ވަޒަނެއް އޭނަގެ ބޮލަށް އަރައިގެން ކަމަށެވެ.
އަލްޖަޒީރާގައި ބުނެފައިވަނީ 14 އަހަރުގެ ފާރިސް ޝަހީދުވެފައި މިވަނީ އިޒްރާއިލްގެ ހަމަލާތަކެއްގައި ފަލަސްޠީނުގެ އެހެން ޒުވާނަކު ޝަހީދުވިތާ ގަޑިއިރެއް ހާއިރު ފަހުން ކަމަށެވެ.
އެހާދިސާ ހިނގައިފައިވަނީ ނާބުލުސްގެ ބޭރުން އޮންނަ އަލް އައިން ރެފިޔުޖީ ކޭމްޕްގައެވެ. އިޒްެރާއިލްގެ ސިފައިން ބުނެފައިވަނީ އެމީހުން އަލް އައިން ރެފިޔުޖީ ކޭމްޕަށް ވަނީ ހަނގުރާމަވެރިޔެއް ކަމަށް "ޝައްކު ކުރެވޭ" މީހަކު ހޯދަން ކަމަށެވެ. ރެފިޔުޖީ ކޭމްޕް ތެރޭގައި ޝަހީދުވި މީހާ ޝަހީދު ވެފައިވަނީ އޭނާގެ މެޔަށް ވަޒަން އަރައިގެނެވެ.
14 އަހަރުގެ ފާރިސް ޝަހީދުވި، ޤަލްޤިއްޔާ އަވަށަކީ އ.ދ ގެ އުސޫލުތަކާ ޚިލާފަށް އިޒްރޭލުން ފާރުރާނައި އިން ވަކިކޮށްލައިފައި އޮންނަ އަވަށެކެވެ.
Advertisement
This content is created and paid for by advertisers and does not involve Voice Journalists
