އެމް.އާރު.އެމް ގެ ފަރާތުން 2023 ވަނަ އަހަރުގެ ރިޔާސީ އިންތިޚާބުގައި ވާދަ ކުރާނެ ކެނޑިޑޭޓެއް ކަނޑައެޅުމަށް ބާއްވާ ޕްރައިމަރީގައި ވާދަކުރެއްވުމަށް، އެ ޕާޓީގެ ރައީސް، ފާރިސް މައުމޫން ފޯމު ހުށަހަޅުއްވައިފިއެވެ.
ސަރުކާރުގެ ކޯލިޝަންގައި ހިމެނޭ އެމްއާރްއެމް އިން ރިޔާސީ ރޭހަށް ނުކުންނަން، ފާރިސް ފޯމު ހުށަހަޅުއްވާފައިވާއިރު, ރިޔާސީ އިންތިޚާބުގައި މޯލްޑިވިއަން ޑިމޮކްރެޓިކް ޕާޓީ (އެމް.ޑީ.ޕީ) އާއެކު ކޯލިޝަން ނުހެދުމަށް އެ ޕާޓީން ވަނީ ނިންމާފައެވެ.
މި ކަމާއި ގުޅިގެން އެމްއާރްއެމް އިން މިއަދު ނެރުނު ބަޔާނެއް ބުނީ، އެ ޕާޓީން އެމް.ޑީ.ޕީ ގެ އިސްވެރިންނާއެކެ 1 މެއި 2023 ވަނަ ދުވަހުގެރޭ އެމް.އާރް.އެމް އޮފީހުގައި ބޭއްވުނު ބައްދަލުވުމަށްފަހު، އެމް.ޑީ.ޕީގެ ހުށަހެޅުންތައް ޕާޓީގެ އެކްސްކޯ އަށް ހުށަހަޅައި މަޝްވަރާކުރެވުނު ކަމަށެވެ.
އަދި އެމް.ޑީޕީއިން ހުށަހަޅާފައިވާ ބައެއް ސިޔާސަތުތަކަށް އެމް.އާރް.އެމް އަށް އެއްބަސް ނުވެވޭތީ، އެ ޕާޓީގެ އެގްޒެކެޓިވް ކޮމިޓީގެ މި އަހަރުގެ 10 ވަނަ ބައްދަލުވުމުގައި ނިންމާފައިވަނީ ކުރިއަށް އޮތް ރިޔާސީ އިންތިޚާބުގެ ފުރަތަމަބުރުގައި އެމް.ޑީ.ޕީ އާއި އެކު މަސައްކަތް ކުރަން ނުފެންނަ ކަމަށް ކަމަށްވެސް އެމްއާރްއެމްއިން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
