ދާދިފަހުން ނެރުނު ޓީޗަރުންގެ ސުލޫކީ މިންގަނޑުގައި ކިޔަވައިދޭއިރު މޫނު ފެންނަގޮތައް ތިބުން މަޖުބޫރު ކުރުމާއި ގުޅިގެން މޫނު ބުރުގާ އަޅާ މުދައްރިސުންގެ ހައްޤުގައި ނުކުތުމަށް "އައި ސްޓޭންޑް ވިތް ނިޤާބް" ފޭސްބުކް ޕޭޖް ހިންގާ އުޚްތުން ނިންމައިފިއެވެ.
"މޫނުބުރުގާ އަޅާ މީހުންގެ ދިފާޢުގައު އަޑު އުފުލާނާން އަޑު އިއްވާނަން" މިޝިޢާރުގެ ދަށުން އުޙްތުންގެ އިޙްތިޖާޖް ބޭއްވުމަށް ހަމަޖެހިފައިވަނީ އަލިމަސް ކާނިވާ ސަރަހައްދުގައެވެ. 29 ޖުލައި ވާ ހޮނިހިރު ދުވަހު ބޭއްވުމަށް ހަމަޖެހިފައިވާ މި އިޙްތިޖާޖު އޮންނާނީ އެދުވަހުގެ ހަވީރު 16:15 ގައެވެ.
"އައިސްޓޭންޑްވިތްނިޤާބް" ފޭސްބުކް ޕޭޖު ހިންގަވާ އިސް ފަރާތަކުން "ވޮއިސް" އަށް މައުލޫމާތު ދެއްވަމުން ވިދާޅުވީ މި އިޙްތިޖާޖުގައި މޫނުބުރުގާ އަޅާ މީހުންގެ ހައްޤުތައް ހޯދައިދިނުމަށް ތާއީދު ކުރާ ހުރިހާ ފަރާތްތަކަށް ދައުވަތު ދެއްވާކަމަށެވެ.
ތައުލީމުގެ ގާނޫނުގެ ދަށުން އާއްމުކުރި ޓިޗަރުންގެ ސުލޫކީ މިންގަނޑުގެ އުސޫލުގައި ބުނެފައިވާގޮތުން އެ އުސޫލުގެ އޭގެ ބޭނުމަކީ ޓީޗަރުންގެ ފަންނީ އަޚްލާޤާއި، އިޖުތިމާޢީ ސުލޫކު ހަރުދަނާކުރުމާ އެކު، ޒަމާނުއްސުރެ ރާއްޖޭގައި ތަޢުލީމީ ދާއިރާއަށް އޮންނަ ގަދަރާއި އިޚްތިރާމް އިތުރުކޮށް، ދެމެހެއްޓުން ކަމަށެވެ.
ހަމަ އެހެންމެ ކިޔަވައިދިނުމުގެ މާހައުލަކީ ބިރުދެއްކުންތަކާއި ތަފާތުކުރުންތަކާއި ބުލީކުރުން ފަދަ ނޭދެވޭ އަސަރުކުރާ ކަންތައްތަކުން ދަރިވަރުންނާއި މުވައްޒަފުންނަށް ރައްކާތެރި މާހައުލެއް ހޯދައިދިނުމަކީވެސް އުސޫލުގެ ބޭނުމެއް ކަމަށް ބުނެފައި ވެއެވެ.
އެއުސޫލުގެ ދަށުން ކިޔަވައިދޭ ގަޑީ ކާކުކަން އެނގޭ ގޮތަށް ތިބުމަށް ޓީޗަރުންނަށް ލާޒިމުކޮށްފައިވެއެވެ.
މިކަމާއި ގުޅިގެން ރާއްޖެގެ ދީނީ ޢިލްމުވެރިންނާއި، ދީނަށް ލޯބިކުރާ އެތައް ބަޔަކު އަންނަނީ ނުރުހުން ފާޅުކުރަމުންނެވެ.
Advertisement
This content is created and paid for by advertisers and does not involve Voice Journalists
