ދިވެހި ދައުލަތަށް ދިގު މުއްދަތަކަށް ޚިދްމަތް ކުރެއްވެވި ބޭފުޅުންނަށް އިނާމު ދެއްވުމަށް ބާއްވާ ޖަލްސާ 29 ޖުލައި ވާ ހޮނިހިރު ދުވަހުގެ ހެނދުނު ބޭއްވުމަށް ހަމަޖެހިފައިވާ ކަމަށް ރައީސް އޮފީހުން ހާމަކުރައްވައިފިއެވެ.
ރައީސް އޮފީހުން ވިދާޅުވެފައިވަނީ އެޖަލްސާ ބޭއްވުމަށް ހަމަޖެހިފައިވަނީ 29 ޖުލައި ވާ ހޮނިހިރި ދުވަހުގެ ހެނދުނު 9 ޖަހާއިރު ސޯޝަލް ސެންޓަރުގައެވެ.
މި ޖަލްސާގައި، 148 ބޭފުޅަކަށް އިނާމު ދިނުމަށް ހަމަޖެހިފައިވާ ކަމަށް ރައީސް އޮފީހުން ބުނެފައިވެއެވެ. އެ ބޭފުޅުންނަށް ދެއްވާ ޝަރަފުގެ ބެޖާއި ޝަރަފުގެ އައްޑަނަ ދެއްވާނީ، ރައީސް އިބްރާހީމް މުޙައްމަދު ޞާލިޙެވެ.
ޝަރަފުގެ ބެޖާއި ޝަރަފުގެ އައްޑަނަ ލިބިވަޑައިގަންނަވާ ބޭފުޅުންގެ ތެރޭގައި، ދައުލަތުގެ އެކި މުއައްސަސާތަކުގައި އެކި ފެންވަރުގެ މަގާމުތައް ފުރުއްވާފައިވާ ބޭފުޅުން ހިމެނިވަޑައިގަންނަވާ ކަމަށް ރައީސް އޮފީހުން ހާމަކުރައްވާފައިވެއެވެ. .
ދިވެހި ދައުލަތަށް ޚިދުމަތް ކުރުމުގެ އިނާމަކީ، ދިވެހި ދައުލަތަށް 35 އަހަރަށްވުރެ ދިގު މުއްދަތަކަށް ޚިދުމަތް ކޮށްފައިވާ މުވައްޒަފުންގެ ތެރެއިން މަޤާމުގެ މަސްއޫލިއްޔަތު އަދާކުރުމުގައި، ޤާބިލްކަމާއި އިޚްލާޞްތެރިކަމާއެކު ކޮށްފައިވާ ޚިދުމަތްތަކަށާއި، އެ މުއައްސަސާއެއްގެ ކުރިއެރުމަށް ކޮށްދީފައިވާ ޚިދުމަތްތަކުގެ އަގު ވަޒަންކުރެއްވުމުގެ ގޮތުން، 2021 ވަނަ އަހަރު ދެއްވަން ފެށްޓެވި ޝަރަފުވެރި އިނާމެކެވެ.
Advertisement
This content is created and paid for by advertisers and does not involve Voice Journalists
