މޫނުބުރުގާ އަޅާތީ ކިޔަވައިދިނުމުގެ ހައްޤުން މަޙްރޫމް ކުރުމަކީ ވަރަށް ނާތަހުޒީބު ކަމެއް ކަމަށް ޑރ ޢަލީ ޒާހިރު ބިން ސަޢީދު ޤާސިމް ވިދާޅުވެއްޖެއެވެ.
ޑރ ޢަލީ ޒާހިރު މިހެން ވިދާޅުވީ އެމަނިކުފާނި ކުރެއްވެވި ޓްވީޓެއް ގައެވެ.
"ކާކުކަން ދަނެގަނެވޭނެ ވަސީލަތްތައް ފަހިވެފައިވާ ޒަމާނެއްގައި، މޫނުބުރުގާ އަޅާތީ ކިޔަވައިދިނުމުގެ މަސައްކަތުން މަޙްރޫމްކުރުމަށް ގަވާއިދު ހެދުމަކީ ވަރަށް ނާތަހުޒީބު ކަމެއް" ޑރ ޢަލީ ޒާހިރު ވިދާޅުވެފައިވެއެވެ.
މީގެއިތުރުން ޑރ ޢަލީ ޒާހިރުވަނީ ސަރުކާރުގެ ނިންމުން އަލުން މުރާޖަޢާ ކުރުމަށް ގޮވާލައްވައިފައެވެ.
ޑރ ޢަލީ ޒާހިރު މިހެން ވިދާޅުވެފައި މިވަނީ ދާދި ފަހުން ނެރުނު މުދައަރިސުން ޢަމަލު ކުރަންޖެހޭ ގޮތުގެ އުސޫލުގައި މޫނުބުރުގާ އަޅައިގެން ވަޒީފާގެ މައިދާނުގައި މަސައްކަތް ނުކުރެވޭނެ ފަދަ ގޮތަކަށް އައިސްފައި އޮތުމުން އެކަމާއި ގުޅުވައިގެނެވެ.
ރާއްޖެގެ ގިނަ ދީނީ ޢިލްމުވެރިންތަކެއް އަންނަނީ މިކަމާއި ދެކޮޅަށް ބަސްވިދާޅުވަމުންނެވެ.
އިއްޔެ ހަވީރު މިކަމާއި ދެކޮޅު ހަދައި މޫނު ބުރުގާ އަޅާ ޓީޗަރުންގެ ހައްޤުގައި މާލޭގައި ހިމޭން އިޙްތިޖާޖެއްވެސް ކޮށްފައިވެއެވެ.
Advertisement
This content is created and paid for by advertisers and does not involve Voice Journalists
