ޕީޕީއެމްގެ ރިޔާސީ ކެންޑިޑޭޓް އަދި ކުރީގެ ރައީސް، ޢަބްދުالله ޔާމީން ޢަބްދުލްޤައްޔޫމްގެ މަންމާފުޅު ފާތުމަތު ހަސަން އަވަހާރަވިތާ މާ ގިނަ އިރުތަކެއް ނުވަނީސް އެމަނިކުފާނުގެ މައްސަލަ ތާވަލްކޮށް ކޯޓަށް ހާޒިރުވުމަށް ޗިޓް ފޮނުވައިފި އެވެ.
ރައީސް ޔާމީންގެ މަންމާފުޅު އަވަހާރަވެފައިވަނީ މިއަދު ހެނދުނުގެ ވަގުތެއްގައެވެ.
އޭގެ މާ ގިނަ ގަޑި އިރުތަކެއް ނުވަނީސް މިއަދު މެންދުރު ފަހު 1:00 ހާއިރު ކްރިމިނަލް ކޯޓުން ވަނީ ރައީސް ޔާމީންގެ މައްޗަށް ދައުލަތުން ދައުވާ ކުރާ ރ.ފުއްގިރި މައްސަލަ ތާވަލްކޮށް އެމައްސަލައިގެ އަޑުއެހުމަށް ހާޒިރުވުމަށް އެމަނިކުފާނަށް ޗިޓް ފޮނުވާފައެވެ. މި މައްސަލަ ތާވަލް ކޮށްފައި ވަނީ ބުދަ ދުވަހުގެ ހެނދުނު 9:00 އަށެވެ.
ޢުމުރުން 86 އަހަރުގައި ރައީސް ޔާމީން ގެ މަންމާފުޅު ފާތިމަތު ހަސަން އަވަހާރަވެފައިވަނީ އާލަސްކަންފުޅާ އުޅުއްވާތާ ގިނަ ދުވަސްތަކެއް ފަހުންނެވެ.
އަވަހާރަވީއިރު ދިރިއުޅުއްވަމުން ގެންދެވީ ރައީސް ޔާމީންގެ ކޮއްކޯފުޅު މުސްލިމާ އަބްދުލް ޤައްޔޫމް އަރިހުގައި ސްރީލަންކާގައެވެ.
ރައީސް ޔާމީންގެ މަންމާފުޅުގެ ޖަނާޒާ ބޭއްވުމަށް ހަމަޖެހިފައިވަނީ މިރޭ އިޝާނަމާދަށްފަހު ސްރީލަންކާގެ ޖާވަތަ ޖުމްމަ މަސްޖިދުގައެވެ.
Advertisement
This content is created and paid for by advertisers and does not involve Voice Journalists
