އިންޑިޔާގެ ރެއިލްވޭ ޕޮލިހަކު ތިން މުސްލިމަކު ހިމެނޭހެން 4 މީހެއްގެ ގަޔަށް ބަޑިޖަހައި މަރާލައިފިއެވެ.

އިންޑިޔާގެ ރެއިލްވޭ ޕޮލިސް އޮފިސަރެއް ކަމަށްވާ ޗޭތަން ކުމާރް މުމްބާއި ކައިރިން ހައްޔަރު ކޮށްފައިވަނީ އޭނާގެ ސީނިއަރ އޮފިސަރެއް ގެ ގަޔަށް ބަޑިޖަހައި މަރާލައި، ރޭލުގައި ދަތުރުކުރަމުން ދިޔަ ތިން މުސްލިމެއްގެ ގަޔަށް ވަނީ ބަޑިޖަހައި މަރައިލުމުންނެވެ.

އަދި އެހަތަރު މީހުންނަށް ބަޑިން ހަމަލާދިނުމަށް ފަހު އޭނާ ވަނީ އިންޑިޔާގެ ބޮޑު ވަޒީރު ނަރެންދްރަ މޯދީ އާއި ޔޫޕީގެ ސެންޓްރަލް މިނިސްޓަރު ޔޯގީ އަދިޔާނަންތު ނަމުން އަޑު އުފުލާފައެވެ.

Advertisement

"އިންޑިޔާގައި ވޯޓުލާން ބޭނުންނަމަ، އިންޑިޔާގައި ދިރިއުޅެން ބޭނުންނަމަ އޮތީ އެންމެ ގޮތެއް، އެއީ މޯދީ އާއި ޔޯގީ އަށް ތާއީދުކުރުން" ހާދިސާގައި މަރުވި ހަތަރު މީހުންގެ ގަޔަށް ބަޑި

ޖެހުމަށްފަހު ޗޭތަން ބުނި ކަމަށް ރެއިލްގައި ހުރި މީހަކު ބުނެފައިވެއެވެ.

އިންޑިޔާގައި ދިރިއުޅޭ މުސްލިމުންނަށް އިންޑިޔާގެ ހިންދޫންގެ ފަރާތުން އަނިޔާތައް ލިބުމަކީ މިފަހަކަށް އައިސް ބައިނަލްއަޤްވާމީ މީޑިއާތަކަށް އަރަމުންދާ ޚަބަރުތަކެކެވެ.