ކުރިއަށް އޮތް ރިޔާސީ އިންތިޚާބުގައި އިތުރު ހަތަރު ރިސޯޓެއްގައި ވޯޓު ފޮށި ބެހެއްޓުމަށް އިލެކްޝަންސް ކޮމިޝަނުން ނިންމައިފިއެވެ.

އިންތިޚާބުގައި ވޯޓުފޮށި ބެހެއްޓުމަށް ހަމަޖައްސާފައިވާ ރިސޯޓުތަކުގެ ތެރެއިން އެ ރިސޯޓުތަކުގައި ވޯޓުފޮށި ބަހައްޓާނީ އެ މީހަކު ވޯޓުލާން ރަޖިސްޓަރީވެފައިވާ ރަށް ނޫން އެހެން ތަނެއްގައި ވޯޓުލުމަށްޓަކައި ރަޖިސްޓަރީވުމަށް ހުޅުވައިލާ މުއްދަތުގެ ތެރޭގައި އެއިން ރިސޯޓެއްގައި ވޯޓުލުމަށް މަދުވެގެން 30 މީހުން ރަޖިސްޓަރީވެފައިވާ ނަމައެވެ.

އީސީއިން އިއްޔެ ބުނެފައިވަނީ ސެންޓާރާ ރަސްފުށި ރިސޯޓް އެންޑް ސްޕާ މޯލްޑިވްސް(ކ.ގިރާވަރު), ސެންޓާރާ ގްރޭންޑް އައިލެންޑް ރިސޯޓް އެންޑް ސްޕާ މޯލްޑިވްސް (އދ.މައްޗައްފުށި), ފަރި ކެމްޕަސް މޯލްޑިވްސް އަދި އަމާރި ރާޔާ މޯލްޑިވްސްގައި ވޯޓު ފޮށި ބަހައްޓަން ނިންމާފައިވާ ކަމަށެވެ.

Advertisement

މީގެއިތުރުން ވަން އެންޑް އޮންލީ ރީތިރަށުގައި ވޯޓުފޮށި ބެހެއްޓުމަށް ވެސް ކޮމިޝަނުން ވަނީ ނިންމަވައިފައި ކަމަށްވެސް އީސީ އިން ބުނެއެވެ.

ކުރިން އެކޮމިޝަނުން ނިންމާފައި އޮތީ ރިޔާސީ އިންތިޚާބުގައި ރާއްޖެއާއި ރާއްޖޭން ބޭރުގައި 604 ވޯޓުފޮށި ބަހައްޓާ ގޮތަށެވެ.

މީގެތެރެއިން 13 ފޮށި ބަހައްޓަން ހަމަޖެހިފައިވަނީ ރާއްޖެއިން ބޭރުގައެވެ.