އާސަންދައިގެ ދަށުން ދެވޭ ޚިދްމަތްތައް އޮންލައިންކޮށް ދެވޭނެ އިންތިޒާމް އެކުންފުނިން ހަމަޖައްސައިފިއެވެ.
އާސަންދައިން ވަނީ ޚިދުމަތްތައް އޮންލައިންކޮށް ދެވޭ ގޮތައް ބަދަލުކޮށް “މައި އާސަންދަ” ނަމުގައި ވެބް ޕޯޓަލްއެއް ތަޢާރަފް ކޮށްފައެވެ. އާސަންދައިން ބުނީ ރާއްޖެއިން ބޭރުން ފަރުވާ ހޯދުމަށް ޑޮކްޓަރު ފުރައިދޭ ރެކޮމެންޑޭޝަން ފޯމު، މި މަހު 15 އިން ފެށިގެން ބަލައިގަންނާނީ އެ ޕޯޓަލް މެދުވެރިކޮށް އެކަނި ކަމަށެވެ.
އާސަންދައިގެ ޕޯޓަލް މެދުވެރިކޮށް އެދެވޭ ޚިދުމަތްތަކުގެ ތެރޭގައި އާސަންދައިގެ އިތުރުން ވެލްފެއާގެ އެހީތެރިކަމަށް އެދި ހުށަހަޅާ ލިޔެކިޔުންތައް ޕޯޓަލް މެދުވެރިކޮށް ހުށަހެޅުން، އެޕްލިކޭޝަންގެ ސްޓޭޓަސް ޕޯޓަލް އިން ބެލުން އަދި ޑޮކްޓަރުންނަށް ރެކޮމެންޑޭޝަން ފޯމު ޕޯޓަލްގެ ތެރެއިން ފުރައިދިނުން ހިމެނެއެވެ. މީގެއިތުރުން އެޕްލިކޭޝަން ކުރިއަށް ގެންދިއުމަށް އިތުރު ލިޔެކިޔުން ބޭނުންވާ ނަމަ، އެވެސް ޕޯޓަލްގެ ތެރެއިން ހުށައެޅޭނެ ކަމަށް އާސަންދައިން ބުނެފައިވެއެވެ. .
އާސަންދަ އިން ބުނީ ޚިދުމަތްތައް ހޯދަން އެ ކުންފުނީގެ ކައުންޓަރަށް ދެން ދާން ނުޖެހޭނެ ކަމަށާއި ނަމަވެސް އެތަންތަން މެދުވެރިކޮށް ހޯއްދަވަން ބޭނުންފުޅުވާ ބޭފުޅުންނަށް އެ ޚިދުމަތް ލިބޭނެކަމަށެވެ.
Advertisement
This content is created and paid for by advertisers and does not involve Voice Journalists
