ފަހި ދިރިއުޅުން ކޯރޕަރޭޝަން (އެފް.ޑީ.ސީ) އާއި އިންޑިޔާގެ ކަލްޕަޓަރު ޕްރޮޖެކްޓްސް އިންޓަރނޭޝަންލް ލިމިޓެޑް (ކޭ.ޕީ.އައި.އެލް) އާއެކު މާލެ ސަރަހައްދުގައި 4000 ހައުސިންގ ޔުނިޓު އިމާރާތް ކުރުމަށްޓަކައި މިއަދު އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމުގައި ފަހިދިރިއުޅުން ކޯޕަރޭޝަންގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު ސަލްފިއްޔާ އަންވަރެވެ. ކޭޕީއައިއެލްގެ ފަރާތުން ސޮއި ކުރެއްވީ، އެ ކުންފުނީގެ ނައިބު ރައީސް ސަރްވަޖީތު ސިންގ އެވެ.
ފަހިދިރިއުޅުން ކޯޕަރޭޝަން އިން ބުނީ، މި މަޝްރޫޢު ބަހާލެވިފައިވަނީ 2 ފިޔަވައްސަކަށް ކަމަށެވެ. އެގޮތުން، ހުޅުމާލޭގައި އިމާރާތް ކުރުމަށް ހަމަޖެހިފައިވާ 2000 ހައުސިން ޔުނިޓު ނިންމުމަށް ހަމަޖެހިފައިވަނީ މަސައްކަތް ފަށާތާ 37 މަސްދުވަސް ތެރޭގައި ކަމަށެވެ.
އަދި 165 މިލިޔަން ޑޮލަރުގެ މިމަޝްރޫޢުގެ ފުރަތަމަ ފިޔަވަހީގައި އިމާރާތް ކުރުމަށް ހަމަޖެހިފައިވަނީ 3 ކޮޓަރީގެ 1400 ޔުނިޓްއާއި 2 ކޮޓަރީގެ 600 ޔުނިޓް ކަމަށްވެސް އެ ކުންފުނިން މައުލޫމާތުދެއެވެ.
Advertisement
This content is created and paid for by advertisers and does not involve Voice Journalists
