ކޮންމެ އަހަރެއްގެ އާދައިގެ މަތިން ކަޢުބާ ދޮވެ ސާފުކޮށްފިއެވެ.

ސަޢުދީޢަރަބިއްޔަގެ ސަރުކާރުގެ ފަރާތުން އެންމެ އިސްކޮށް ހުންނެވީ މައްކާގެ އަމީރުގެ ނައިބު، އަމީރު ބަންދަރް ބިން ސުލްޠާން ޢަބްދުލްޢަޒީޒް އެވެ.

މިރަސްމިއްޔާތަށް އަމީރު ބަންދަރް ވަޑައިގަތުމުން އެމަނިކުފާނަށް މަރުޙަބާ ދެންނެވީ ދެ ޙަރަމް ގެ ކަންކަމާއި ގުޅޭ އިދާރާގެ ޗީފް ޝައިޙް ޢަބްދުރަޙްމާން އައްސުދައިސް އެވެ.

ކަޢުބާ ސާފުކުރުމުގެ މަސައްކަތުގައި އަމީރު ބައިވެރިވެވަޑައިގަންނަވަނީ

ކަޢުބާ ސާފުކުރުމަށް ބޭއްވުނު ރަސްމިއްޔާތުގައި ބައިވެރިވި މީހުންވަނީ ޒަމްޒަމްފެނާއި، ފިނިފެނާއި، އެކި ބާވަތުގެ މީރު ވަސްދުވާ އަތަރު ފަދަ ތަކެތި އެއްކޮށްފައިވާ ފެނުން ކަޢުބާގެ ފާރުކޮޅުތަކާއި ދޮރުކޮޅު ސާފުކޮށްފައެވެ.