އުދައަރަމުންދާތީ ހުޅުމާލެ އާއި މާލެއާއި ދެމެދު ކޮންމެހެން ކުރަން ޖެހިއްޖެ ދަތުރެއް މެނުވީ ނުކުރުމަށް ފުލުހުން އިލްތިމާސް ކޮށްފިއެވެ.

މިކަމާއި ގުޅިގެން ފުލުހުން ބުނެފައިވަނީ،  މާލެ އާއި ހުޅުމާލެ އާއި ދެމެދު، އުދައެރުން ހުއްޓެންދެން، ޒަރޫރީ ދަތުރުތައް މެނުވީ ނުކުރުމަށް ދަންނަވާ ކަމަށެވެ.

އަދި ޒަރޫރީ ދަތުރުތައް ކުރުމަށްވެސް، ހަތަރު ފުރޮޅުލީ އުޅަނދު ބޭނުން ކުރެއްވުމަށްވެސް ފުލުހުން ވަނީ އެދިފައެވެ.

މިއަދު ސިނަމާލެ ބްރިޖް ކައިރިއަށް ބޮޑު ރާޅެއް އަރައި އެސަރަހައްދުން ދަތުރުކުރަމުން ދިޔަ ގިނަ ބަޔަކު ވަނީ ރާޅާއި އެކު ވެއްޓިފައެވެ. މިހާދިސާގައި ގިނަ ބަޔަކު ސައިކަލާއި އެކު ބިންމައްޗަށް ވެއްޓި ބައެއް މީހުންނަށް ކުދި އަނިޔާތައް ލިބިފައިވެއެވެ.

މީގެއިތުރުން މާލޭގައި އާޓިފިޝަލް ބީޗާއި ދިމާލުން ބޮޑުތަކުރުފާނު މަގަށް ވެސް ވަނީ ވަރަށް ބޮޑަށް ރާޅުއަރާފައެވެ.  ރާޅުއެރުމުގެ ސަބަބުން އެމަގު އެއްކޮށް ވަނީ ފެންބޮޑުވެފައެވެ. ކާނިވަލް ސަރަހަށްދަށް ވެސް ވަރަށް ބޮޑަށް ރާޅު އަރާފައިވެއެވެ.

މެޓް އޮފީހުން ވަނީ ކ. އަތޮޅުން ފެށިގެން އައްޑޫ ސިޓީއާ ހަމައަށް އުދަ އަރާފާނެތީ ހުދު ސަމާލު ނެރެފައެވެ.