ސުޕްރިމް ކޯޓުގެ ނިންމުން މުޅި ދިވެހިރާއްޖެވެސް އަހައިފިކަމަށާއި މިއަދު ފެނިގެން މިދިޔައީ އިސްތިއުނާފީ މަރުހަލާގައި ރައީސް ޔާމީނަށް ހައްގު ހޯދައި ނުދެވި ހިފެހެއްޓުމުގެ ނަތީޖާ ކަމުގައި އެމަނިކުފާނުގެ ވަކީލުންގެ ޓީމުގައި ހިމެނިވަޑައިގަންނަވާ ޑރ ޖަމީލް ވިދާޅުވެއްޖެއެވެ.
ރައީސް ޔާމީންގެ ކެންޑިޑެސީ އިލެކްޝަންސް ކޮމިޝަނުން ބަލައި ނުގަނތް މައްސަލައިގައި ސުޕްރިމް ކޯޓުގައި މިއަދު ކުރިއަށް ދިޔަ ހުކުމް އިއްވުމަށް ފަހު ނޫސްވެރިންނަށް މައުލޫމާތު ދެއްވަމުން ޖަމީލް ވިދާޅުވީ، އިސްތިއުނާފީ މަރުހަލާގައި ރައީސް ޔާމިންގެ ހައްގު ނުހިފެހެއްޓުނު ނަމަ މިއަދު މި މައްސަލައިގައި ސުޕްރިމް ކޯޓާއި ހަމައަށް އަންނަންވެސް ނުޖެހުނީސް ކަމަށެވެ.
މީގެ އިތުރުންވެސް ޖަމީލް ވިދާޅުވީ، ރައީސް ޔާމިންގެ މައްޗަށް ކުރެވޭ ދައުވާގައި ހެކިންގެ ގޮތުގައި ހެކި ބަސް ނަގަމުން އެދަނީ ދައުލަތުން ކާންދީ ބަލަހައްޓަމުން ގެންދާ ބައެއްގެ ކަމަށާއީ، މައްސަލައިގައި އަސާސްހުރި ހެއްކެއް ދައުލަތަކަށް ދެއްކިފައިނުވާ ކަމަށެވެ.
އަދި ހަމައެއާއެކު ޑރ ޖަމީލް ވިދާޅުވީ ސުޕްރިމް ކޯޓުގެ ހުކުމުގައި ގާނޫނު އަސާސީއަށް ރިއާޔަތް ކުރުމޭ ބުނެވޭ ބުނުމަށް އެ ބޭފުޅާވެސް އިހްތިރާމް ކުރައްވާ ކަމަށާއި އެހެންނަމަވެސް ރައީސް ކެންޑިޑެސީ މައްސަލަައިގައި ސުޕްރިމް ކޯޓުން ގާނޫނު އަސާސީ ތަރުޖަމާކޮށްފައިވަނީ މުޅިން ނުބައިކޮށްކަމަށެވެ.
އިލެކްޝަންސް ކޮމިޝަނުން ރައީސް ޔާމީންގެ ކެންޑިޑެސީ ބަލައި ނުގަނތް ނިންމުމަކީ ރަނގަޅު ނިންމުމެއް ކަމަށް ނިންމުމާއިއެކު ރައީސް ޔާމިނަށް މިއަހަރުގެ ރިޔާސީ އިންތިހާބުގައި ވާދަކުރެއްވުމަށް އޮތް ހަނި ފުރުސަތުވެސް އެއްކޮށް ބަންދުވީއެވެ.
މިއާއެކު އެންމެ ގިނަ ބަޔަކު އިންތިޒާރު ކުރަމުން ދަނީ ރިޔާސީ ރޭހުގައި ވާދަކުރެއްވުމަށްޓަަކަކައި އިދިކޮޅު ކޯލިޝަންއިން ނަގާނެ ފިޔަވަޅަކަށެވެ.
Advertisement
This content is created and paid for by advertisers and does not involve Voice Journalists
