ހުޅަނގު އެފްރިކާގެ މަސްރަޙު ގޯސްވެ ނައިޖީރިއާއިން ނައިޖާ ހިފުމަށް ތައްޔާރުވެއްޖެއެވެ.
ނައިޖާގެ އެތެރޭގެ މަސްލަޙަތު ވަނީ ވަރަށްބޮޑަށް ގޯސްވެފައެވެ. ނައިޖާގެ އެތެރޭގެ މަސްލަޙަތު މާބޮޑަށް ގޯސްވެގެން ގޮސްފައިމިވަނީ މިދިޔަ ޖުލައި މަހުގެ 26 ވަނަ ދުވަހު އެޤައުމުގެ ސަރުކާރާއި އިދިކޮޅި ބަޔަކު ބަޣާވާތެއް ކޮށް އެޤައުމުގެ ވެރިއަކަށް ހުންނެވި މުޙައްމަދު ބަޒޫމް ވެރިކަމުން ބެލުމާއި ގުޅިގެނެވެ.
ބަޒޫމް ވެރިކަމުން ބޭލުމަށްފަހު މިހާރު އެޤައުމުގެ ވެރިއަކަށް ހުންނެވީ އެޤައުމުގެ މިލިޓަރީ ލީޑަރ ޢަބްދުއްރަޙްމާން ޝައުނީއެވެ. ޝައުނީ ވެރިކަމާއި ހަވާލުވުމަށްފަހު އޭނާ ވަނީ ފްރާންސްގެ ސަރުކާރާއި އެކު އެޤައުމުގެ ސަރުކާރުން ހަދައިފައިވާ އެއްބަސްވުންތައް އުވައިލައިފައެވެ. ނަމަވެސް ފްރާންސުން ބުނެފައިވަނީ އެއެއްބަސްވުންތައް އުވައިނުލާނެ ކަމަށެވެ.
ޖޯގްރަފީގޮތުން ނައިޖާ އުފެދިފައި އޮންނަގޮތުން އެޤައުމަކީ ގިނަ ޤައުމުތަކެއްގެ މެދުގައި އޮންނަ ޤައުމެއްކަމުން ސީދާ އެޤައުމަށް އެރުމަށް ފްރާންސަށް ވަނީ ނުކިޅެދިފައެވެ.
ނައިޖާއާއި އެއްބޯޑަރު ހިއްސާ ކުރާ މާލީ އަދި ބުރްކިނާ ފާސޯ އާއި ފްރާންސާއާއި ދެމެދު އޮތް ހަމަނުޖެހުމުގެ ސަބަބުން އެ ބޯޑަރުގެ ބޭނުން ކޮށްގެން ނައިޖާއަށް އެރުމުގެ ފުރުސަތެއް ނެތެވެ. އަދި އެދެޤައުމުން ބުނެފައިވަނީ ނައިޖާއަށް ހަމަލާދޭނަމަ ދިފާޢުގައި ތެދުވާނެ ކަމަށްވަނީ ބުނެފައެވެ.
އެހެންކަމުން ނައިޖާއަށް ބާރުފޯރުވުމަށް ފަހިވެފައި އޮތް މަގަކީ ނައިޖީރިއާ މެދުވެރިކޮށް އެކަން ކުރުމެވެ. ނައިޖީރިއާއިން މިހާރު ދަނީ ނައިޖާއަށް އެރުމުގެ ތައްޔާރީތައް ވަމުންނެވެ.
"ދަ އިކޮނޮމިކް ކޮމިޔުނިޓީ އޮފް ވެސްޓް އެފްރިކަން ސްޓޭޓްސް" މެދުވެރިކޮށް ނައިޖީރިއާގެ ބޯޑަރު ހުރަސްކޮށް ނައިޖާއަށް އަރާނެ ގޮތަކާއި އަރާނެ ވަގުތަކާއި މެދު މިހާރު ވަނީ މަޝްވަރާ ކޮށްފައި ކަމަށް އަލްޖަޒީރާގައި ބުނެފައިވެއެވެ.
ނައިޖީރިއާގެ ރައީސް ބޯލާ ޓިނުބޫ ވަނީ ނައިޖާގެ ކުރީގެ ވެރިކަން އަނބުރާ ގެނައުމަށް މުހުލަތެއް ދީފައެވެ. އެމުއްދަތުގެ ތެރޭގައި ވެރިކަން އަލުން އިއާދަ ނުކޮށްފިނަމަ ނައިޖީރިއާއިން ނައިޖާއަށް އެރުމަށް ތައްޔާރަށް އޮތުމަށް އެޤައުމުގެ މިލިޓަރީއަށް ވަނީ އަންގައިފައިކަމަށް އަލްޖަޒީރާގައި ރިޕޯޓުކޮށްފައިވެއެވެ.
ނައިޖާއާއި އެއްކޮޅަށް ތިބި މާލީ އަދި ބުރިކްނާ ފާސޯ އިން ބުނެފައިވަނީ ނައިޖީރިއާއި އިން ނައިޖާއަށް ހަމަލާދީފިނަމަ އެޤައުމުތަކުން ނައިޖީރިއާއަށް ހަމަލާދޭނެކަމަށެވެ. އަދި ފްރާންސުން ދަނީ އެޤަމުތަކުގެ ބިން ނަހަމަގޮތުގައި ހިފައި ނިރުބަވެރިންނަށް ވާގިވެރިވަމުން ކަމަށެވެ.
އަދި ހަރުކަށި ހަނގުރާމަވެރިންނާއި ދެކޮޅަށް ހަނގުރާމަ ކުރާކަމަށްބުނެ ފްރާންސުން ދަނީ އެޤައުމުތަކުގެ ބިމަށް ފައިގަދަ ކުރަމުންކަމަށްވެސް ވަނީ ބުނެފައެވެ.
ފްރާންސަށް ނައިޖާގެ ބިން އެހާ މުހިންމު ވެގެން އުޅެނީ ނައިޖާ އިން ލިބޭ ޔުރޭނިއަމް ގެ ދަހިވެތި ކަމުގައި ކަމަށް އެސަރަހައްދުގެ މަސްރަޙް ދިރާސާ ކުރާ ފަރާތްތަކުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
