ދަ ޑިމޮކްރެޓްސްގެ ރިޔާސީ ކެންޑިޑޭޓުގެ ރަނިންގމޭޓަކަށް އެސްޓީއޯގެ ކުރީގެ އެމްޑީ ހުސެއިން ޢަމްރު ހަމަޖައްސައިފިއެވެ.

ރިޔާސީ އިންތިޚާބުގައި ވާދަކުރުމަށް އިލްޔާސް ލަބީބުގެ ނަން އިލެކްޝަންސް ކޮމިޝަނަށް ހުށައެޅީ މިއަދު 1:00 ގައެވެ.

ރިޔާސީ އިންތިޚާބުގައި ވާދަކުރުމަށް ރައީސް އިބްރާހިމް މުޙައްމަދު ޞާލިޙްގެ ނަންފުޅުވެސް ވަނީ މިއަދު އީސީ އަށް ހުށައަޅުއްވައިފައެވެ. އެމަނިކުފާނުގެ ރަނިންގމޭޓަކަށް ހަމަޖައްސަވައިފައިވަނީ އެމްޑީޕީގެ ޕާލިމެންޓަރީ ގްރޫޕްގެ ލީޑަރު އަދި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމްއެވެ.

Advertisement

އަދި ޕީއެންސީގެ ރިޔާސީ ކެނޑިޑޭޓު ޑރ މުހައްމަދު މުޢިއްޒުގެ ރަނިންގމޭޓަކަށް ފަރެސްމާތޮޑާ ދާއިރާގެ މެންބަރު ޙުސައިން މުޙައްމަދު ލަޠީފް (ސެންބެ)ވަނީ  ހަމަޖައްސައިފައެވެ.

އެމްއެންޕީގެ ރިޔާސީ ކެންޑިޑޭޓް މުޙައްމަދު ނާޒިމްގެ ރަނިންގމޭޓަކަށް ހަމަޖައްސައިފައިވަނީ  އައްޑޫ ސިޓީއަށް ނިސްބަތްވާ ބޭފުޅެއްކަމަށްވާ ޑރ އަޙްމަދު ޢަދީލް ނަސީރެވެ.

ރިޔާސީ އިންތިޚާބުގައި ވާދަކުރުމަށް ކެންޑިޑެސީ ފޯމު ހުށަހެޅުމުގެ މުއްދަތު ހަމަވާނީ މާދަމާގެ މެންދުރުފަހު 2:00 އަށެވެ.

މި އިންތިޚާބުގައި ވާދަ ކުރައްވާނެ ކަން އިއުލާނު ކުރައްވާފައިވަނީ އެމްއެންޕީގެ ކެންޑިޑޭޓު، ރައްޔިތުންގެ މަޖިލީހުގެ ދަނގެތި ދާއިރާގެ މެންބަރު މުހައްމަދު ނާޒިމް އާއި ޖުމްހޫރީ ޕާޓީގެ ލީޑަރު ޤާސިމް އިބްރާހިމް އާއި އެމްއާރްއެމްގެ ފަރާތުން ފާރިސް މައުމޫން އާއި ކުރީގެ ހޯމް މިނިސްޓަރު އުމަރު ނަސީރު ރައީސް އިބްރާހިމް މުޙައްމަދު ޞާލިޙް އަދި ޕީއެންސީގެ ކެންޑިޑޭޓް މާލޭ މޭޔަރ ޑރ މުޙައްމަދު މުޢިއްޒުއެވެ