މިސަރުކާރުގެ ޓުވަރިޒަމް މިނިސްޓަރު ކަން ކުރައްވަމުން އަންނަ ޑރ ޢަބްދުالله މައުސޫމް ޖުމްހޫރީ ޕާޓީއިން ވަކިވެ ވަޑައިގެންފިއެވެ.
9 އަހަރުގެ ދިގު މުއްދަތަކަށް ޖޭޕީގެ މެމްބަރެއްގެ ގޮތުގައި ހުންނެވުމަށް ފަހު ޖޭޕީއިން ވަކިވެވައިގެންނެވިކަން ހާމަކުރައްވައި ޑރ މައުސޫމް ކުރައްވާފައިވާ ޓްވީޓެއްގައި ވަނީ ޖޭޕީގައި ހޭދަކުރި ދުވަސްތަކުގައި ދިމާވި އުނދަގޫ އަދި ފަސޭހަ ދުވަސްތަކުގައި އެ ޕާޓީގެ ލީޑަރު ޤާސިމް އިބްރާހިމާއި ޕާޓީގެ ލީޑަޝިޕާއި މެންބަރުން ބެހެއްޓެވި ގާތް ކަމަށް ޝުކުރު އަދާކުރައްވާ ކަމަށް ވިދާޅުވެފައެވެ.
ޑރ މައުސޫމް ޖޭޕީއިން ވަކިވެވަޑައިގަތުމުގެ ކުރިންވެސް ކުރިއަށް އޮތް ރިޔާސީ އިންތިޚާބުގައި ރައީސް އިބްރާހިމް މުޙައްމަދަށް ތާއީދު ކުރައްވާނެ ކަމަށްވަނީ އިޢްލާނު ކުރައްވައިފައެވެ.
ކެލާ ދާއިރާގެ ރައްޔިތުންގެ މަޖިލީހުގެ މެންބަރުކަންވެސް ކުރެއްވި މައުސޫމް މީގެ ކުރިން ވަނީ ޤާސިމް އިބްރާހިމްގެ ސަން އައިލެންޑްގެ ޖެނެރަލް މެނޭޖަރުކަންވެސް ކުރައްވައިފައިވާ ބޭފުޅެކެވެ. މައުސޫމް ވަނީ ކުރީގެ ރައީސް މައުމޫންގެ ވެރިކަމުގައިވެސް ޓޫރިޒަމް މިނިސްޓަރުކަން ކުރައްވައިފައެވެ.
Advertisement
This content is created and paid for by advertisers and does not involve Voice Journalists
