ނ. މަނަދޫ ޗެސްޓާރ ސްޕޯރޓްސްއިން ކުރިޔަށް ގެންދިޔަ ޗެސްޓާ ވިމެންސް ފްޓްސަލް  ޓޯރނަމަންޓް ގެ ޗެމްޕިއަންކަން އޮބިއަންސްއިން ހޯދައިފިއެވެ.

މިއީ ވިދިވިދި ގެން އޮބިއަންސްއިން މި މުބާރާތް ކާމިޔާބުކުރި ދެވަނަ ފަހަރުކަން ފާހަގަކޮށްލެވެއެވެ.

 ނ.މިލަދޫ އަށް ނިސްބަތްވާ އޮބިއަންސް މި މުބާރާތުގެ ޗެމްޕިއަންކަން ހޯދީ ފައިނަލްގައި މަނަދޫގެ ވައިނޮޓް ގެ މައްޗަށް 3-1 ގެ ނަތީޖާއިން ކުރި ހޯދައިގެންނެވެ. ފައިނަލްގެ މޮޅު ކުޅުންތެރިޔާގެ މަޤާމް ހޯދީ އޮބިއަންސްގެ ފާތިމަތު  ސާލިޔާއެވެ.

ޖުމްލަ ނުވަ ޓީމާއެކު ކުރިޔަށް ދިޔަ މި މުބާރާތުގެ ފެއާރޕްލޭ ޓީމަކީ މަނަދޫގެ އެލްއެލް ކުއީންސް އެވެ.

މުބާރާތުގެ އެންމެ މޮޅު ފަސް ކުޅުންތެރިންނަށް ހޮވުނީ އޮބިއަންސްގެ ހަސީނާ އާދަމް ، އާމިނަތު ރަނީން ، އާމިނަތު ޝާމިލާ މީގެ އިތުރުން މިމުބާރާތުގައި ކުޅުނު އެފްސީ ސިކާޑާގެ ފާތިމަތު މިއުސާ އަދި ވައިނޮޓްގެ ފަރަހް އަހުމަދެވެ.

މުބާރާތުގެ އެންމެ ގިނަ ގޯލުޖެހި ކުޅުންތެރިޔާ އަދި މުބާރާތުގެ އެންމެ ފަޚުރުވެރި މަޤާމު ( މުޅި މުބާރާތުގެ އެންމެ މޮޅު ކުޅުންތެރިޔާ) މަހާ ރެހެންދީ އޮފް ޗެސްޓަރ ވިމެންސް ފްޓްސަލް  ޓޯރނަމަންޓް 2023 ހޯދީ އޮބިއަންސްގެ ޖާރޒީ ނަމްބަރ 6 ފާތިމަތު  ސާލިޔާއެވެ.

މަހާ ރެހެންދީ އޮފް ޗެސްޓަރ ވިމެންސް ފްޓްސަލް ޓޯރނަމަންޓް 2023 އޮބިއަންސްގެ ޖާރޒީ ނަމްބަރ 6 ފާތިމަތު ސާލިޔާ

ބެސްޓް ކޯޗްގެ މަޤާމް ވައިނޮޓްގެ ކޯޗް އިބްރާހިމް ޢަބްދުލް ޤަފޫރް ހޯދިއިރު ބެސްޓް އަންޑަރ 20 ޕްލޭޔަރ އޮފްދަ ޓޯނަމެންޓްގެ މަޤާމު ހޯދީ އޮބިއަންސްގެ މަރިޔަމް ލަމީސްއެވެ.

މީ ޗެސްޓާރ އިން މި މުބާރާތް ކުރިޔަށް ގެންދިޔަ ފަސްވަނަ ފަހަރެވެ. ޗެސްޓާރ ސްޕޯޓްސް އަކީ ނޫނު އަތޮޅުގައިވެސް ފާހަގަ ކޮށްލެވޭ ހަރަކާތްތެރި  ޖަމިއްޔާއެކެވެ.