މިޤައުމަށް ހަމަޖެހުން ލިބުމާއި، މިޤައުމުގެ އިސްތިޤލާލަތު އަނބުރާ ލިބެން އޮތި ޕީޕީއެމް/ޕީއެންސީ އާއި މި ގައުމުގެ ވެރިކަން ހަވާލުކޮށްގެން ކަމުގައި ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒު ވިދާޅުވެއްޖެއެވެ. 

މިރޭ ޕީޕީއެމް ގެ އޮފީހުގައި ކުުރިއަށްދިޔަ ނޫސްވެރިންގެ ބައްދަލުވުމުގައި ވާހަކަ ދައްކަވަމުން މުއިއްޒު ވިދާޅުވީ ދިވެހި ރާއްޖޭގެ ޝަރުޢީދާއިރާއާއި އެހެނިހެން އިޖުތިމާޢީ މިނިވަންކަން އަނބުރަ ހޯއްދެވުމަށް ރައީސް ޔާމީނު ނިކުމެވަޑައިގެންނެވި ކަމަށާއި، އެކަމުގެ ނަތީޖާއެއްގެ ގޮތުން މިއަދު ރައީސް ޔާމީން ސިޔާސި ހައްޔަރީއެއްގެ ގޮތުގައި ޖަލުގައި އޮންނަވަން ޖެހިވަޑައިގަތީކަމުގައި އެބޭފުޅާ ވިދާޅުވިއެވެ. 

މީގެ އިތުރުން މުއިއްޒު ވިދާޅުވި އެބޭފުޅާގެ އެންމެ އިސް އަދި އެންމެ މުހިއްމު ވާޖިބަކަށް ވާނި ދިވެހި ގައުމަށް އިންސާފާއި މިނިވަންކަން ހޯދައިދެއްވުމަށް ރައީސް ޔާމިނު ކުރެއްވި މަސައްކަތުން އެ މަނިކުފާނަށް ކުރިމަތިވެ ވަޑައިގެންނެވި އަނިޔާއިން ރައީސް ޔާމީނު ސަލާމަތްކުރެއްވުން ކަމަށެވެ. 

Advertisement

އަދި ޕީޕީއެމް/ޕީއެންސީ ގެ ވެރިކަމެއްގައި އެންމެ ފުރަތަމަ ވެސް މަސައްކަތް ކުރައްވާނީ ރައީސް ޔާމީންވެސް މަސައްކަތް ކުރެއްވި ފަދައިން ދިވެހި ޤައުމުގެ އިސްތިޤްލާލަތާއި ވަޙުދަތު ނެގެހެއްޓުމުގެ މަސައްކަތް ކަމަށާއި އެކަން މި ގައުމަށް ޙާޞިލްކުރެވިގެން ދިއުން އޮތީ ޕީޕީއެމް/ޕީއެންސީއަށް މި ގައުމު ހަވާލުކުރެވިގެން ކަމުގައެވެ. 

މިރޭ ޕިޕީއެމްގެ އޮފީހުގައި ކުރިއަށް ދިޔަ ނޫސްވެރިންގެ ބައްދަލުވުމުގައި އެ ކޯލިޝަނުގެ އިސްވެރިންވަނީ ޕީޕީއެމް/ޕީއެންސީ ގެ ރިޔާސީ ކެނޑިޑޭޓް ނިކުމެވަޑައިގެން ހުންނެވީ ރައީސް އަބްދުﷲ ޔާމިންގެ ފުރިހަމަ ތާއީދުފުޅާއެކު ކަމުގައި ވިދާޅުވެ މީޑިޔާތަކުގައި ފެތުރެމުންދިޔަ ހުރިހާ ވާހަކަތަކަށް ރައްދުދެއްވައިފައެވެ.