އިސްލާމް "އިނގިރޭސިކުރުމަކީ" ދިވެހިބަހަށް އިސްކަންދޭން އޮންނަ ޤާނޫނުގެ ރޫޙު މުގުރައިލުން ކަމަށް ރާއްޖޭގެ ދީނީ ޢިލްމު ވެރިޔާ އަދި ޖަމިއްޔަތުއް ސަލަފްގެ ރައީސް ޢަބްދުﷲ ބިން މުޙައްމަދު އިބްރާހިމް ވިދާޅުވެއްޖެއެވެ.

ޝެއިޙް ޢަބްދުﷲ މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

 ޝެއިޙް ޢަބްދުﷲ ވިދާޅުވީ ރާއްޖޭގައި ދިވެހިބަހުން ކިޔަވައިދޭ 2 މާއްދާކުރެ އިސްލާމް "އިނގިރޭސިކުރުމަކީ" ދިވެހިބަހަށް އިސްކަންދޭން އޮންނަ ޤާނޫނުގެ ރޫޙު މުގުރައިލުން ކަމަށެވެ. އަދި އޭގެ އަނެއް ފަރާތުން ފެންނަނީ މިހާރު ކިޔަވައިދެއްވާ އިސްލާމްޓީޗަރުންގެ ވަޒީފާ ގެއްލުވައިލުން ކަމަށްވެސް ޝެއިޙް ވިދާޅުވިއެވެ.

Advertisement

ޝެއިޚް ވިދާޅުވީ އޭރުން އިސްލާމް ކިޔަވައިދިނުމަށް ގެންނާނީ ބިދޭސީން ކަމަށާއި، އޭގެ ތެރޭގައި އާމިނާ   ވަދޫދު،ލަތީފް ފަދަ އޮރިއެންޓަލިސްޓުންނާއި ޣައިރު މުސްލިމުންވެސް ހިމަނައިފާނެ ކަމަށް ޝައިޙް ޢަބްދުﷲ ވިދާޅުވިއެވެ.

ޤުރްއާން މާއްދާއަށްވެސް އެމްޑީޕީ ކޯލިޝަނުން މިހިނގާ ދައުރުގައި ހަދާފައި އެއޮތީ އެފަދައިން ކަމަށާއި ޓެސްޓުއުވާލައި، އެމާއްދާގެ އަހައްމިއްޔަތުކަން ވަނީ ގެއްލުވާލައިފައި ކަމަށް ޝައިޙް ވިދާޅުވިއެވެ.

ޝައިޙް މިހެން ވިދާޅުވެފައިމިވަނީ އެމްޑީޕީ ކޯލިޝަންގެ މެނިފެސްޓޯ ގައި އިސްލާމް މާއްދާ އިނގިރޭސި ބަހުން ކިޔަވައިދިނުމަށް ހަމަޖައްސާނެކަމަށް ބުނެ އިޢުލާނު ކޮށްފައި ވަނިކޮށެވެ.

އެ މެނިފެސްޓޯގެ ދަށުން "މާދަމާގެ މީހާ މިއަދު" ގެ ނަމުގައި އާންމުކުރި ތަޢުލީމީ ދާއިރާގެ ވައުދުތަކުގެ ތެރޭގައި ވަނީ އިސްލާމް މާއްދާ އިނގިރޭސި ބަހުން ކިޔަވަން ބޭނުންވާ ކުދިންނަށް ސްކޫލް ނިޒާމުގެ ތެރެއިން ފަހިކޮށްދިނުން ހިމަނައިފައެވެ.

މި ސިޔާސަތާއި ގުޅިގެން މިކަމާއި ދެކޮޅަށް އެއްބަޔަކު ދަނީ ސޯޝަލް މީޑިއާގައި ޚިޔާލު ފާޅުކުރަމުން އެބަދެއެވެ.