ރައީސް އިބްރާހިމް މުޙައްމަދު ޞާލިޙް އާއި އެއްކޮށް ނ އަތޮޅަށް ކުރައްވަމުން ގެންދަވާ ދަތުރުފުޅު ފެންނަނީ ވަރަށް ކާމިޔާބު ކޮށްކަމަށް އެމްޑީއޭގެ ލީޑަރު އަޙްމަދު ސިޔާމް މުޙައްމަދު ވިދާޅުވެއްޖެއެވެ.
ސިޔާމް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
ސިޔާމް ވިދާޅުވީ ނޫނު އަތޮޅުގެ ދަރިންނަކީ އަބަދުވެސް ތަޢުލީމާ ތަރައްޤީއަށް މަސައްކަތްކުރާ ހީވާގި ބައެއް ކަމަށެވެ.
"އަޅުގަނޑަށް ޔަޤީން ނޫނު އަތޮޅުން ރޮކޯޑް މިންވަރަށް ރައީސްއަށް ވޯޓު ލިބިވަޑައިގެން އެއްބުރުން މިކަން ކާމިޔާބުވާނެކަން" ސިޔާމް ވިދާޅުވިއެވެ.
ސިޔާމް ހިންގަވާ އެމްޑީއޭ އަކީ އެމްޑީޕީ ކޯލިޝަންގެ އެއް ބައިވެރިޔާއެވެ. އެމްޑީޕީ ކޯލިޝަންގެ އަނެއް ބައިވެރިޔަކީ މިހާރުވެސް ސަރުކާރުގައި ޝާމިލްވާ ޢަދާލަތު ޕާޓީއެވެ.
ދެޕާޓީގެ ލީޑަރުންވެސް ދަނީ ކެމްޕޭނު ދަތުރުތަކުގައި ބައިވެރިވަމުންނެވެ.
ސިޔާމް އަކީ ކުރިން ރައީސް ޔާމިން އާއި ވަރަށް ގާތުން މަސައްކަތް ކުރައްވައިފައިވާ ބޭފުޅެކެވެ. 2018ގައި އިންތިޚާބުގައި ޕީޕީއެމުން ވާދަކުރީ އެމްޑީއޭ ހިމެނޭ ކޯލިޝަނަކުންނެވެ.
Advertisement
This content is created and paid for by advertisers and does not involve Voice Journalists
