ޕީޕީއެމާއި އެކު ކޯލިޝަން ހެދުމަކީ ދަ ޑިމޮކްރެޓްސްގެ ޢާންމު މެމްބަރުންނަށް އެންމެ ފަސޭހަ ކަމަކަށް ނުވެދާނެ ކަމަށް ދަ ޑިމޮކްރެޓްސްގެ ރިޔާސީ ކެމްޕޭނުގެ ތަރުޖާމަނު އަދި މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ މިއަދު ވިދާޅުވެއްޖެ އެވެ.

އިމްތިޔާޒު މިހެން ވިދާޅުވީ ޑިމޮކްރެޓްސްގެ ރިޔާސީ ކެންޑިޑޭޓް، ހުޅުދޫ ދާއިރާގެ މެމްބަރު އިލްޔާސް ލަބީބުގެ ކެމްޕެއިން ތަރުޖަމާނެއްގެ ހައިސިއްޔަތުން އެންމެ ފުރަތަމަ ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ނެވެ. 

މި ނޫސްވެރިންގެ ބައްދަލުވުމުގައި ޑިމޮކްރެޓްސް އިން ޕީޕީއެމްއާ އެކު ކޯލިޝަން ހެދުމާ ގުޅޭ ގޮތުން ނޫސްވެރިއަކު ކުރި ސުވާލަކަށް ޖަވާބު ދެއްވަމުން އިމްތިޔާޒު ވިދާޅުވީ ޕާޓީގެ އާންމު މެމްބަރުންނަށް އެކަން ފަސޭހަ ކަމަކަށް ނުވެދާނެ ކަމަށާއި ނަމަވެސް، އެކަން ނިންމާނީ ޕާޓީން ކަމަށެވެ.

Advertisement

އިމްތިޔާޒް މިހެން ވިދާޅުވެފައިމިވަނީ ފުވައްމުލަކުގައި މިދިޔަ ހަފްތާގައި ބޭއްވި ޖަލްސާގައި ނަޝީދު ވަނީ ޕީޕީއެމްގެ ރައީސް އަދި ކުރީގެ ރައީސް ޔާމީން މިނިވަން ކުރުމަށް ސަރުކާރަށް ގޮވާލައްވާފައި ވަނިކޮށެވެ.

ޑިމޮކްރެޓްސްގެ ޢާންމު މެމްބަރުންނަށް ޑރ މުޢިއްޒު އާއި އެކު ކޯލިޝަން ހެދުމަށް ފަސޭހަ ނުވެދާނެ ކަމަށް ވިދާޅުވިއިރު ޑިމޮކްރެޓްސްގެ ޖަލްސާއެއްގައި ވާހަކަ ދައްކަވަމުން ރައީސް ނަޝީދު ވަނީ  ޑިމޮކްރެޓްސްއާ އެކު މަސައްކަތް ކުރަން ޕީޕީއެމް-ޕީއެންސީން އެއްބަސްވެ، ކޯލިޝަން އެއްބަސްވުމުގައި ސޮއިކުރާތާ ހަފުތާއެއްގެ ތެރޭގައި، މާލޭގެ މަގުމަތީގައި އަބަދު އުޅެގެން ވެސް، ރައީސް ޔާމީން ގެއަށް ގެނެސްދެއްވާނެ ކަމަށެވެ.