ރައީސް ނަޝީދުގެ މޭސްތިރި ކަމުގެ ދަށުން ހިންގަމުންދާ ދަ ޑިމޮކްރެޓްސްގެ މެނިފެސްޓޯ މާދަމާ އިޢުލާނު ކުރުމަށް ނިންމައިފިއެވެ.

"ފަރުދީ ތަނަވަސްކަން- އަބުރުވެރި ޙަޔާތެއް" މި ޝިޢާރުގެ ދަށުން ނެރޭ މެނިފެސްޓޯ އިޢުލާނު ކުރުން އޮންނާނީ މާލޭ ސަލްޓަން ޕާކުގައި މާދަމާ ރޭ 8:30 ގައި ކަމަށް އެޕާޓީއިން ބުނެފައިވެއެވެ.

ސެޕްޓެމްބަރު 9 ވަނަ ދުވަހު ރިޔާސީ އިންތިޚާބު ބޭއްވުމަށް ހަމަޖެހިފައިވާއިރު މި އިންތިޚާބުގައި ވާދަ ކުރައްވާ ކެންޑިޑޭޓަކީ ހުޅުދޫ ދާއިރާގެ މަޖިލިސް މެމްބަރު އިލްޔާސް ލަބީބެވެ. އަދި އިލްޔާސްގެ ރަނިންމޭޓެއްގެ ގޮތުގައި ކަނޑައަޅާފައި ވަނީ އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން ޢަމްރެވެ.

Advertisement

ޑިމޮކްރެޓްސް ގެ މެނިފެސްޓޯ އެކުލަވައިލައިފައިވަނީ ރައްޔިތުން ގާތަށް ގޮސް ރައްޔިތުންނާއި މަޝްވަރާ ކުރުމަށް ފަހުގައި ކަމަށް އެޕާޓީން ވަނީ ބުނެފައެވެ. މެނިފެސްޓޯ ރަސްމީކޮށް އަދި އިޢްލާނު ނުކުރިނަމަވެސް އެ ޕާޓީގެ ބައެއް ސިޔާސަތުތައް  ވަނީ ހާމަކުރައްވައިފައެވެ.

އެހެން ކެންޑިޑޭޓުން ނެކޭ އެއްގޮތައް ޑިމޮކްރެޓްސްގެ ކެންޑިޑޭޓުވެސް ދަނީ ރާއްޖެގެ ރަށްރަށަށް ވަޑައިގެން ކެމްޕޭނު ކުރައްވަމުންނެވެ. މި ކެމްޕޭނުގައި ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުޙައްމަދު ނަޝީދުވެސް ދަނީ ބައިވެރިވެވަޑައިގަންނަވަމުންނެވެ. 

ދަ ޑިމްކްރެޓްސް އަކީ އެމްޑީޕީގެ ތެރެއިން އުފެދިގެން ދިޔަ ފިކުރެއްގެ ދިރުން ފެކްޝަން އެމްޑީޕީ އިން ވަކިވެ އުފައްދައިފައިވާ ޕާޓީއެކެވެ.