ނުކުމެ ތިއްބެވީ ދިވެހިރާއްޖޭގައި ޑޮލަރުގެ އަގު ދަށްކޮށް، އިގްތިޞާދު ނަގައި ކޮޅަށް ޖައްސަވާން ކަމަށް ކުރީގެ އިކޮނަމިކް މިނިސްޓަރު އަދި މާވަށު ދާއިރާގެ މެންބަރު މުހައްމަދު ސަޢީދު ވިދާޅުވެއްޖެއެވެ.
އަންނަ މަހުގެ 9 ވަނަ ދުވަހު ބާއްވާ ރިޔާސީ އިންތިޚާބުގެ ކެމްޕެއިނަށް ހއ. ދިއްދޫގައި ރޭ ބޭއްވި ޖަލްސާގައި ވާހަކަދައްކަވަމުން ސައީދު ވިދާޅުވީ ދިވެހިރާއްޖޭގައި އުފަންވެފައިވާ ކޮންމެ ދިވެހި ރައްޔިތެއްގެ ބޮލުގައި 37 ހާސް ރުފިޔާގެ ދަރަނި މިސަރުކާރުން އަޅުވާފައިވާ ކަަމަށެވެ.
އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އެކަނިވެސް ފަސްދޮޅަސް ފަސް މިލިއަން ރުފިޔާގެ ދަރަނި ނަގާފައިވާ ކަމަށާ އެއާއެކު ރާއްޖޭގެ ދަރަނި ސަތޭކަ ސާދަ ބިލިއަން ރުފިޔާއަށް އަރައި، އިންޑިއާގެ އަޅުވެތި ކަމަށް ގެންގޮސްފައިވާ ކަމަށް އޭނާ ވިދާޅުވި އެވެ.
ސައީދު ވިދާޅުވީ މިހާބޮޑަށް ރާއްޖެ ދަރަނިވެރި ކުރި ވެރިއަކު މިރާއްޖެ ނުދެކޭ ކަމަށާއި އެހާގިނަ ފައިސާ ލޯނުގެ ގޮތުގައި ނެގިއިރު ރާއްޖެއަށް ގެނައި ތަރައްގީއެއް ފެންނަން ނެތްތާނގައި ދައުލަތުގެ މާލިއްޔާގައި ކާބޯތަކެތި ގަންނާނެ ފައިސާއެއް ވެސް ނެތް ކަމަށެވެ.
އެހެންކަމުން، ރައީސް ޔާމީންގެ އިރުޝާދުގެ ދަށުން ޕީޕީއެމް ޕީއެންސީއިން ނިކުތީ މިރާއްޖެ މިނިވަން ކޮށް އިގްތިޞާދު ކޮޅަށް ޖައްސަވަން ކަމަށްވެސް ސައީދު ވިދާޅުވިއެވެ.
"ރައީސް ޔާމީންގެ އިރުޝާދުގެ ދަށުން އަޅުގަނޑުމެން މި ނިކުތީ މިރާއްޖެ މިނިވަން ކުރަން. މިރާއްޖޭގެ އިގްތިސާދު އަލުން އަނބުރާ ކޮޅަށް ޖަހަން. މިރާއްޖޭގެ ޑޮލަރުގެ އަގު އަލުން އަނބުރާ ހުރިވަރަށް ގެންނަން. މިރާއްޖޭގެ ބޭންކުތައް ވިޔާރިތައް، ކުދި، މެދު، ބޮޑެތި ވިޔަފާރިތަކަށް ދިރުން ގެންނަން. ޒުވާނުންނަށް އާއުންމީދުތަކެއް ގެންނާނަން. ކަނބަލުންނަށް ގެއްލިފައިވާ ހައްގުތައް ހޯދުމަށް ދިވެހިރާޖެއަށް އާރޯކަން ގެންނަން މަސައްކަތް ކުރާނެ ދެޕާޓީ އަކީ މީ"
ޕީއެންސީގެ ނާއިބު ރައީސް މުހައްމަދު ސަޢީދު
ރޭގެ ޖަލްސާގައި ސައީދު ވަނީ މި ސަރުކާރާއި އިންޑިއާ އާއި ދެމެދު އޮންނަ ގުޅުމަށް ވަރަށް ބޮޑަށް ފާޑުވިދާޅުވެފައެވެ.
Advertisement
This content is created and paid for by advertisers and does not involve Voice Journalists
