ހިޔާ ފްލެޓް ނުލިބި ކެންސަލް ވެފައިވަނީ ތިން ފަރާތަކަށް ކަމުގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ. 

އެމަނިކުފާނު މިފަދައިން ވިދާޅުވެފައިވަނީ، "އިއްލިއަމްރު" ގެ ރިޔާސީ މެނިފެސްޓޯ އިއުލާނުކުރުމަށް ރޭ ސަލްޓަން ޕާކުގައި ބޭއްވި ޖަލްސާގައި ވާހަކަ ދައްކަވަމުންނެވެ.

ނަޝީދުގެ ވާހަކަފުޅުގައި ވިދާޅުވީ، ބޯހިޔާވަހިކަަމުގެ މައްސަލައަކީ މުޅިރާއްޖެއަށް މިވަގުތު ދިމާވެފައިވާ އެންމެ ބޮޑު މައްސަލަ ކަމަށާއި ، އެއީ ހަމައެކަނި މާލެ ސަރަހައްދަށް ދިމާވެފައިވާ މައްސަލައެއް ނޫން ކަމުގައެވެ.

މީގެ އިތުރުން ބޯހިޔާވަހިކަމުގެ މައްސަލައަށް ހައްލު ހޯދަން ޖެހިފައިވާ މިންވަރު، ރާއްޖޭގެ އެކި ކަންކޮޅުތަކަށް ދަތުރުކޮށްލުމުން ފެނިގެން ދާނެ ކަމުގައި ނަޝީދު ވަނީ ވިދާޅުވެފައެވެ. 

މީގެ އިތުރުން ނަޝީދު ވިދާޅުވީ، ކުރީގެ ރައީސް އަބްދުالله ޔާމީން ހިންގެވި ހިޔާ މަޝްރޫއުގެ ދަށުން 7000 ފްލެޓް އިމާރާތް ކުރަން ފަށައި، އެ މަސައްކަތް ނިންމާލެވުނީ މިހާރު މި ހިނގާ ރައީސް ސޯލިހުގެ ސަރުކާރުގައި ކަމަށާއި، އެ މަސައްކަތްތައް ނިންމުމަށްފަހު ފްލެޓްތަކަށް މީހުން ވެއްދުމަށްޓަކައި، އޭގެ ހައްގުވެރިން ހޯދުމަށް ޔާމީނުގެ ސަރުކާރުގައި ކުއްލިއަކަށް ހަރަކާތްތަކެއް ހިނގަން ފަށައި، ބައެއް ތަންތަނުން ފޯމު ދޫކުރުމާއި، ފޯމަށް އަރައިގަތުމުގެ ކަންކަން ކުރިއަށް ގެންދިޔަ ކަމުގައެވެ. 

ހިޔާ މަޝްރޫއުގެ ފްލެޓްތައް ނުލިބި، އެކަން މުޅިން ‘ކެންސަލް’ ވާނެ ކަމަށް އޭރުގައި ވާދަވެރިންގެ ގޮތުގައި ތިބި މިހާރުގެ އެމްޑީޕީގެ ބައެއް މެމްބަރުން ވިދާޅުވަމުން ގެންދެވިކަން ފާހަގަކުރައްވައި ނަޝީދު ވިދާޅުވީ އެ 7000 ފްލެޓަށް ފޯމު ހުށަހެޅި މީހުންނާއި އެދުނު މީހުން އަދި ހައްގުވެފައި އޮތް ކަމަށް ބުނި އެންމެން ކެންސަލް ވާނޭ ކިޔައި އަޑު ފެތުރުނު ކަމަށް ނަޝީދު ވިދާޅުވިއެވެ.
އޭގެ އިތުރުން، މި ސަރުކާރުން ދޫކުރަމުންދާ ގޯތި މަޝްރޫއަށް ފާޑުވިދާޅުވަމުން ނަޝީދު ފާހަގަ ކުރެއްވި ގޮތުގައި، އެ މަޝްރޫއުއަކީ އެއްވެސް ޕްލޭނެއް ނެތި ކުރިއަށް ގެންދާ މަޝްރޫއުއެކެވެ.

އޭގެ އިތުރުން، މި ސަރުކާރުން ދޫކުރަމުންދާ ގޯތި މަޝްރޫއަށް ފާޑުވިދާޅުވަމުން ނަޝީދުވަނީ އެ މަޝްރޫއުއަކީ އެއްވެސް ޕްލޭނެއް ނެތި ކުރިއަށް ގެންދާ މަޝްރޫއެއްގެ ގޮތުގައި ސިފަ ކުރައްވައިފައެވެ. 

ހިޔާ ފްލެޓުން އެޕާޓްމެންޓް ނުލިބުނީ ތިން މީހުންނަށް ކަމަށް ރައީސް ނަޝީދު ވިދާޅުވި އިރު، ރައީސް ޔާމީނުގެ ވެރިކަމުގައި ފްލެޓް ލިބުނު ލިޔުން ލިބި، މި ވެރިކަމުގައި ފްލެޓް ނުލިބުނު ގިނަ އަދަދެއްގެ މީހުން އަދިވެސް އަންނަނީ އެކަމާ ނުރުހުން ފާޅުކުރަމުންނެވެ.