ވެރިކަމަށް އައުމަށް ރައްޔިތުންނަށް ވައުދުތަކެއް ވުމަށްފަހު، ވެރިކަން ލިބުމުން ރައްޔިތުންގެ މަތިން ހަނދާން ނައްތާލާ ވެރިންގެ މަތިން ރައްޔިތުންވެސް ހަނދާން ނައްތާލަންޖެހޭ ކަމަށް، ޕީޕީއެމްގެ ނާއިބު ރައީސް، ޣައްސާން ވިދާޅުވެއްޖެއެވެ. 

ރިޔާސީ ކެންޕެއިނަށް އިދިކޮޅުު ޕީއެންސީގެ ރަނިންމޭޓާއި ޓީމު ގދ އަތޮޅަށް ކުރައްވަމުންދާ ދަތުރުފުޅުގައި އެ އަތޮޅު ފިޔޯރީ އަށް ވަޑައިގެން، ބޭއްވި ކެންޕެއިން ބައްދަލުވުމުގައި ވާހަކަދައްކަވަމުން ޣައްސާން ވިދާޅުވީ، 2018 ވަނަ އަހަރު، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވެރިކަމަށް ވަޑައިގެންނެވުމަށްޓަކައި ފިޔޯރީއަށް ވެވަޑައިގެންނެވި އެއްވެސް ވަޢުދެއް ފުއްދަވާފައި ނުވާކަމަށެވެ. 

އެހެންނަމަވެސް، ރައްޔިތުންގެ އެ އުއްމީދުތައް ނުފުއްދޭއިރު، ދޮގު ވާހަކަތައް ދައްކަވައިގެން ވެރިކަމަށް އަންނަ މީހުން މަތިން ރައްޔިތުން ހަނދާން ނައްތާލަންޖެހޭ ކަމަށް ޣައްސާން ވިދާޅުވިއެެވެ. 

ޣައްސާން ވިދާޅުވީ، މި ސަރުކާރުން ވަމުންދާ ވަޢުދުތަކާއި ޚިލާފަށް، ކުރީގެ ރައީސް، ޔާމިން އަބްދުލްގައްޔޫމް ގެ ޓީމުން ވެވަޑައިގަންނަވަމުންދާ ވަޢުދުތަކަކީ ވަރަށް ބޮޑަށް ވަށްޖެހޭ ވަޢުދުތަކެއް ކަމަށެވެ. އެހެންކަމުން، ކުރިއަށް އޮތް ރިޔާސީ އިންތިހާބުގައި އިދިކޮޅުު ޕީއެންސީގެ ކެންޑިޑޭޓު ޑރ މުހައްމަދު މުއިއްޒު އަށް ވޯޓުދީ، އޭނާ ވެރިކަމަށް އިންތިހާބު ކުރުމަކީ، ރައްޔިތުންގެ މުސްތަގުބަލަށްޓަކައި ކޮށްދެވޭ ވަރަށް މުހިންމު ކަމެއް ކަމަށްވެސް ޣައްސާން ވިދާޅުވިއެެވެ. 

އަދި ރައީސް ޔާމީން ޖަލުން މިނިވަންވެ ވަޑައިގެންނެވުމަށް އޮތް އެންމެ ފަހި ފުރުޞަތަކީވެސް ޑރ މުއިއްޒު ރިޔާސީ އިންތިހާބު ކާމިޔާބު ކުރެއްވުމް ކަމަށް ޣައްސާން ވިދާޅުވިއެެވެ.